കമല്ഹാസന് നായകനായെത്തിയ ചിത്രം ‘വിക്രമി’ന് മികച്ച പ്രതികരണങ്ങളാണ് ലഭിക്കുന്നത്,. ഇപ്പോഴിതാ ചിത്രത്തെ പ്രശംസിച്ച് നടന് കാര്ത്തിയും രംഗത്ത് വന്നിരിക്കുകയാണ്. ചിത്രത്തിലെ കമല്ഹാസന്, ഫഹദ് ഫാസില്, വിജയ് സേതുപതി തുടങ്ങിയവരുടെ പ്രകടനത്തെയും ലോകേഷ് കനകരാജിന്റെയും അനിരുദ്ധിന്റേയും മികവിനെയും കാര്ത്തി സമൂഹ മാധ്യമങ്ങളിലൂടെ അഭിനന്ദിച്ചു.
കാര്ത്തിയുടെ ട്വീറ്റ്:
എല്ലാവരും പറയും പോലെ തന്നെ വിക്രം എന്നത് കമല് ഹാസന് സാറിന്റെ ആഘോഷമാണ്. അദ്ദേഹത്തെ ഒരു കൊടുങ്കാറ്റ് പോലെ കാണാന് സാധിക്കുന്നത് ഏറെ ആവേശമുണ്ടാക്കുന്നു. ആക്ഷനും വിഷ്വലുകളും മികച്ചതായിരുന്നു. ഫഹദ് ഫാസില് തന്റെ തീവ്രതയ്ക്ക് ഒരു കുറവും വരുത്തിയിട്ടില്ല.
വിജയ് സേതുപതി ഒരു പുതിയ തരം വില്ലന് കഥാപാത്രത്തെ കൊണ്ടുവന്നു. അനിരുദ്ധിന്റെ സംഗീതം അപകടത്തെ വളരെ വലുതായും രക്ഷകനെ വളരെ ശക്തനായും തോന്നിപ്പിക്കുന്നു. അവസാനമായി… റോളക്സ് ശരിക്കും ഭയമുണ്ടാക്കി. ലോകേഷ് നിങ്ങളുടെ ഫാന്ബോയ് ആവേശം നിങ്ങള് പൂര്ണ്ണമായും പ്രേക്ഷകരിലേക്ക് എത്തിച്ചിട്ടുണ്ട്.
Read more
ഫഹദിന് പുറമെ മറ്റ് മലയാളി താരങ്ങളും ചിത്രത്തിലുണ്ട്. കാളിദാസ് ജയറാം, നരേന്, ചെമ്പന് വിനോദ് എന്നിവരാണ് വിക്രമിലെ മറ്റു മലയാളി താരങ്ങള്. ഒപ്പം അതിഥി വേഷത്തില് സൂര്യയും എത്തുന്നു. രാജ്കമല് ഫിലിംസ് ഇന്റര്നാഷണലിന്റെ ബാനറില് കമല്ഹാസന് തന്നെയാണ് ചിത്രം നിര്മ്മിച്ചിരിക്കുന്നത്. ലോകേഷ് കനകരാജ് തന്നെയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്.