നിവിന്‍ പോളി നായകനായ തട്ടത്തിന്‍ മറയത്തിലെ ആയിഷ എന്ന കഥാപാത്രത്തിലൂടെ പ്രേക്ഷകശ്രദ്ധ നേടിയ ഇഷ തല്‍വാര്‍ നവാഗതനായ നിര്‍മല്‍ സഹദേവന്‍ സംവിധാനം ചെയ്യുന്ന പൃഥ്വിരാജ് ചിത്രം ഡെട്രോയ്റ്റ് ക്രോസിംഗില്‍ 16 വയസുകാരിയുടെ അമ്മയായി അഭിനയിക്കും. പിന്നീട് മലയാളത്തില്‍ ശ്രദ്ധേയമായ പലകഥാപാത്രങ്ങള്‍ അവതരിപ്പിച്ചുവെങ്കിലും ആദ്യമായാണ് ഇഷ തല്‍വാര്‍ അമ്മ വേഷത്തിലെത്തുന്നത്.
എന്നാല്‍ അമ്മ വേഷത്തിലെത്തുന്നത് വല്യ കാര്യമല്ലെന്നാണ് ഇഷ തല്‍വാര്‍ പറയുന്നത്. ചിത്രീകരണസമയത്ത് തനിക്കും മറ്റുള്ളവര്‍ക്കും ഡയലോഗുകള്‍ ഓര്‍മപ്പെടുത്തിയിരുന്നത് പൃഥ്വിരാജായിരുന്നുവെന്നും ഒരുപാട് സഹായിച്ചുവെന്നും ഇഷ പറയുന്നു. ചിത്രത്തില്‍ അല്‍പ്പം നെഗറ്റിവ് സ്വഭാവമുള്ള വേഷമാണ് പൃഥ്വിരാജ് അവതരിപ്പിക്കുന്നത്. മമ്ംത മോഹന്‍ദാസാണ് നായിക വേഷത്തില്‍ എത്തുന്നത്. ഏറെ വെല്ലുവിളി നിറഞ്ഞ ഈ വേഷത്തിന് ആദ്യം ഒരു പുതുമുഖത്തെയാണ് അന്വേഷിച്ചതെങ്കിലും പിന്നീട് മംമ്തയില്‍ എത്തുകയായിരുന്നു. ചിത്രത്തിന് ഒരു മലയാളം പേര് കണ്ടെത്താനുള്ള ശ്രമങ്ങളും അണിയറ പ്രവര്‍ത്തകര്‍ ആരംഭിച്ചിട്ടുണ്ട്.
Read more
ഒരു ഇന്റന്‍സ് ക്രൈം ഡ്രാമയായി തയാറാക്കുന്ന അമേരിക്കയിലെ ഡെട്രോയിറ്റിലും മിഷിഗണിലുമുള്ള തമിഴ് സ്ട്രീറ്റ് ഗാംഗുകളെ ചുറ്റിപ്പറ്റിയാണ് കഥ വികസിക്കുന്നത്. ഇതില്‍ ഒരു ഗാങ് മെമ്പറിന്റെ വേഷമാണ് പൃഥ്വിരാജ് ചെയ്യുന്നത്. യദാര്‍ത്മായി നടന്ന സംഭവങ്ങള്‍ ചിത്രത്തിന് ആധാരമായിട്ടുണ്ട്.
