സി.ബി.ഐ സിനിമകളില് നിരവധി കഥാപാത്രങ്ങള് വന്നുപോയിട്ടുണ്ട്. . അതിലൊന്നായിരുന്നു സുകുമാരന് അവതരിപ്പിച്ച ഡി.വൈ.എസ്.പി സത്യദാസ്. നേരറിയാന് സി.ബി.ഐയില് ഈ കഥാപാത്രത്തിന്റെ മകന് ഡി.വൈ.എസ്.പി ദേവദാസിനെ അവതരിപ്പിച്ചത് സായ് കുമാറായിരുന്നു. ഇപ്പോഴിതാ ഈ ചിത്രത്തിനായി സുകുമാരന്റെ മാനറിസങ്ങള് ചെയ്തപ്പോള് മമ്മൂട്ടിയും മുകേഷും പേടിപ്പിച്ച അനുഭവവും പറയുകയാണ് സായ് കുമാര്. കാന്ചാനല്മീഡിയയ്ക്ക് നല്കിയ അഭിമുഖത്തിലാണ് അദ്ദേഹം ഇക്കാര്യം പറഞ്ഞത്.
. സുകുവേട്ടന് ചെയ്ത വേഷമാണ് എന്ന് ഷൂട്ടിന് ചെന്നപ്പോഴാണ് മനസിലായത്. അറിഞ്ഞിരുന്നേല് ആ വഴിക്ക് ഞാന് പോകില്ലായിരുന്നു. സുകുമാരന്റെ അനിയനാണ് ഞാനെന്ന് മധുവേട്ടനും പറഞ്ഞു.
ഞാന് ഡയലോഗ് പറഞ്ഞ് കാണിച്ചു. മധുവേട്ടന് കിടന്നു ചിരിച്ചു, മമ്മൂക്കേനെ വിളിച്ചു. ഇവനിത് വേറെ ഒരു ലൈനാക്കി എന്ന് പറഞ്ഞു.
Read more
മമ്മൂക്ക വന്നിട്ട് സൂക്ഷിച്ച് ചെയ്തില്ലെങ്കില് കുഴപ്പമാവുമെന്ന് പറഞ്ഞു. ഞാന് കാണിച്ചു കൊടുത്തപ്പോള് ഈ മീറ്ററാണേല് കുഴപ്പവില്ല, പക്ഷേ സൂക്ഷിച്ച് ചെയ്യണമെന്ന് പറഞ്ഞു. മുകേഷ് വന്ന് റിസ്കാണ് നീ എന്ത് ധൈര്യത്തിലാടേയ് സംഭവം ചെയ്യുന്നത്, മിമിക്രിയായി പോവും എന്ന് പറഞ്ഞു. മിമിക് ആക്കാതെ ചെറിയ സാധനങ്ങള് ചെയ്തു. അങ്ങനെ വന്നപ്പോള് എന്നെ സ്വാമി മകനാക്കി. അപ്പോള് ഒന്നൂടെ സ്വാതന്ത്ര്യത്തോടെ ആ കഥാപാത്രം ചെയ്യാനായി,’ സായ് കുമാര് കൂട്ടിച്ചേര്ത്തു.