മീ ടൂ വിവാദത്തില് വിശദീകരണവുമായി നടനും സംവിധായകനുമായ ധ്യാന് ശ്രീനിവാസന്. തന്റെ സംസാരം ആരെയെങ്കിലും വേദനിപ്പിച്ചെങ്കില് മാപ്പ് പറയുകയാണെന്ന് ധ്യാന് ദി ക്യൂവിന് നല്കിയ അഭിമുഖത്തില് വ്യക്തമാക്കി. മീ ടൂ മൂവ്മെന്റിനെ ഞാന് നിസ്സാരമായിട്ടേ അല്ല കാണുന്നത്. എന്നോട് ചോദിക്കുന്ന ചില ചോദ്യങ്ങളാണ്, ചേട്ടനെ ആരെങ്കിലും തേച്ചിട്ടുണ്ടോ എന്നാണ് എന്നോട് ചോദിക്കുന്നത്. ബേസിക്കലി അത് സബ് സ്റ്റാന്ഡേര്ഡ് ആയിട്ടുള്ള ഒരു ചോദ്യമാണ്.
അപ്പോള് ഞാന് പറഞ്ഞു ഞാന് കുറേ പേരെ തേച്ചിട്ടുണ്ട്. ഞാന് വെറുതെ അങ്ങ് തട്ടുവാ. എന്നെ കുറേ പേര് തേച്ചിട്ടുണ്ട് എന്ന് ഞാന് പറഞ്ഞു കഴിഞ്ഞാല് ആരൊക്കെയാണ് അത് എന്ന് അടുത്ത ചോദ്യം വരും. അപ്പോള് ഞാന് പറഞ്ഞു ഞാന് കുറേ പേരെ തേച്ചിട്ടുണ്ട് എന്ന്. ഇതിനെ ഫോളോ ചെയ്താണ് ഞാന് ആ സ്റ്റേറ്റ്മെന്റ് പറഞ്ഞത്.
പണ്ടൊക്കെ മീ ടൂ ഉണ്ടായിരുന്നേല് ഞാന് പെട്ടുപോയേനെ, കുറേ വര്ഷം ഞാന് അകത്തുകിടന്നേനെ എന്ന് ഞാന് പറഞ്ഞു. ചെറുതായി ഒന്ന് ചിരിച്ചിട്ടാണ് ഞാന് അത് പറഞ്ഞത്. ആ ചിരിച്ചതുമായി ബന്ധപ്പെട്ട് ഡോക്ടര് ആയ ഒരു ചേച്ചി ഒരു സ്റ്റേറ്റ്മെന്റ് ഇട്ടു.
ഒരിക്കലും മറ്റുള്ളവരെ വേദനിപ്പിക്കാന് വേണ്ടിയുള്ള ചിരിയോ ഒഫന്റ് ചെയ്യാന് വേണ്ടിയുള്ള ചിരിയോ അല്ലെങ്കില് ഇപ്പറഞ്ഞ അതിജീവിതരെ ഇന്സള്ട്ട് ചെയ്യാനോ വിഷമിപ്പിക്കാനോ ഉള്ള രീതിയിലുള്ള കൊലച്ചിരിയോ അല്ല. മറിച്ച് എന്റെ കഥകള് ആലോചിച്ചിട്ടുള്ള ചിരിയാണ്. ആ ചിരി ചിലരെ വിഷമിപ്പിച്ചിട്ടുണ്ടെങ്കില് ഞാന് മാപ്പുപറയുകയാണ്.
Read more
സെന്സിറ്റീവ് ആയ വിഷയത്തെ ഞാന് സില്ലിയായി പറഞ്ഞു എന്നതാണ് അന്ന് അത്രയും വിവാദം ഉണ്ടായത്. ധ്യാന് ശ്രീനിവാസന് പറഞ്ഞു.