കാസ്റ്റിംഗിന്റെ ഭാഗമായി നടിയുടെ ഇന്റര്‍വ്യു കണ്ടു, അതില്‍ അവതാരകയായിരുന്നു പേളി: അനുരാഗ് ബസു പറയുന്നു

അവതാരകയും നടിയുമായ പേളി മാണിയുടെ ആദ്യ ബോളിവുഡ് ചിത്രമാണ് “ലുഡോ”. ചിത്രത്തിലെ പേളിയുടെ പ്രകടനത്തിന് മികച്ച പ്രതികരണങ്ങളാണ് ലഭിക്കുന്നത്. മലയാളി നഴ്‌സ് ആയാണ് പേളി ചിത്രത്തില്‍ വേഷമിട്ടത്. എന്നാല്‍ പേളി ആയിരുന്നില്ല മറ്റൊരു മലയാളി താരത്തെ ആയിരുന്നു ഈ കഥാപാത്രത്തിനായി തീരുമാനിച്ചിരുന്നത് എന്നാണ് സംവിധായകന്‍ അനുരാഗ് ബസു പറയുന്നത്.

“”പേളിയുടെ കാസ്റ്റിംഗ് രസകരമാണ്. ഈ കഥ ഞാന്‍ ഇതുവരെ ആരോടും പറഞ്ഞിട്ടില്ല. മലയാളത്തിലെ മറ്റൊരു നടിയയെയാണ് ആദ്യം ഈ വേഷത്തിലേക്ക് പരിഗണിച്ചിരുന്നത്. കാസ്റ്റിംഗിന്റെ ഭാഗമായി നടിയുടെ ഇന്റര്‍വ്യു വീഡിയോ കാണണമെന്ന് ആവശ്യപ്പെട്ടു. ആ പരിപാടിയില്‍ അവതാരകയായിരുന്നു പേളി. അപ്പോള്‍ പേളിയാണ് കൂടുതല്‍ നല്ലത് എന്ന് തോന്നി. ഈ കുട്ടി എവിടെയാണ്, പേളിയെ കോണ്ടാക്ട് ചെയ്താല്‍ മതി എന്ന് പറയുകയായിരുന്നു”” എന്നാണ് അനുരാഗ് ബസു പറയുന്നത്.

വീഡിയോ കോണ്‍ഫറന്‍സിലൂടെയുള്ള അനുരാഗ് ബസുവിന്റെ അഭിമുഖം പേളി സോഷ്യല്‍ മീഡിയയില്‍ പങ്കുവച്ചിട്ടുണ്ട്. നവംബര്‍ 12-ന് ആണ് ലുഡോ നെറ്റ്ഫ്ളിക്സില്‍ റിലീസ് ചെയ്തത്.

പങ്കജ് ത്രിപാഠി, അഭിഷേക് ബച്ചന്‍, ആദിത്യ റോയ് കപൂര്‍, സാനിയ മല്‍ഹോത്ര, ഫാത്തിമ സന ഷെയ്ഖ്, രോഹിത് സുരേഷ് എന്നിവരാണ് ചിത്രത്തില്‍ പ്രധാന കഥാപാത്രത്തിലെത്തിയത്.

View this post on Instagram

A post shared by Pearle Maaney (@pearlemaany)