ആ ഡ്രസിന് അഞ്ചര കിലോയോളം ഭാരം, ഇരിക്കാനോ ബാത്ത്‌റൂമില്‍ പോകാനോ ഒന്നും സാധിക്കില്ലായിരുന്നു; ആന്‍ഡ്രോയ്ഡ് കുഞ്ഞപ്പനാകാന്‍ സഹിച്ച യാതനകള്‍ തുറന്നുപറഞ്ഞ് സൂരജ്

രതീഷ് ബാലകൃഷ്ണ പൊതുവാള് ഒരുക്കിയ ശ്രദ്ധേയമായ ചിത്രമാണ്് ആന്‍ഡ്രോയ്ഡ് കുഞ്ഞപ്പന്‍. സുരാജ് വെഞ്ഞാറമൂടും സൗബിന്‍ ഷാഹിറും കേന്ദ്രകഥാപാത്രങ്ങളായെത്തിയ ചിത്രത്തില്‍ കുഞ്ഞപ്പനെന്ന റോബോട്ടും ഒരുമുഖ്യ കഥാപാത്രമായിരുന്നു. മലയാള സിനിമയിലെ അറിയപ്പെടുന്ന കോമഡി താരം സൂരജ് തേലക്കാടാണ് കുഞ്ഞപ്പനായി എത്തിയത്. റോബോട്ടാകാന്‍ വേണ്ടി സൂരജ് സഹിച്ച യാതനകള്‍ തുറന്നുപറഞ്ഞിരിക്കുകയാണ് സൂരജ്. മനോരമയുമായുള്ള അഭിമുഖത്തിലാണ് അദ്ദേഹം മനസ്സുതുറന്നത്.

ഞാന്‍ വിചാരിച്ചതിലും ബുദ്ധിമുട്ടായിരുന്നു റോബോട്ടിന്റെ വേഷത്തിനുള്ളില്‍ ജീവിക്കുന്നത്. ആ ഡ്രസിന് ഏകദേശം അഞ്ചര കിലോയോളം ഭാരമുണ്ടായിരുന്നു. എനിക്ക് ആ സമയത്ത് ഭാരം 25 കിലോ മാത്രമായിരുന്നു. അഞ്ച് കിലോ ഭാരമുള്ള വേഷമിട്ടാണ് അഭിനയിച്ചത്. ഇത് ഊരാനും അണിയാനും കുറച്ച് സയമം എടുക്കും. ചില സമയം ബ്രേക്കില്ലാതെ ഷൂട്ട് ചെയ്യുമ്പോള്‍ ഊരിയിട്ട് പിന്നെയും അണിയുന്നത് ബുദ്ധിമുട്ടായിരുന്നു. അതുകാരണം ഷൂട്ടിങ് തീരുവോളം ഇത് ഇട്ടിട്ട് നില്‍ക്കും. ഇരിക്കാനോ ബാത്ത്‌റൂമില്‍ പോകാനോ ഒന്നും സാധിക്കില്ലായിരുന്നു.

വേഷം ഊരിക്കഴിയുമ്പോഴേക്കും വിയര്‍ത്ത് കുളിച്ച് ഒരു പരുവമാകും. മൂന്ന് ദിവസം കഴിഞ്ഞപ്പോഴേക്കും എനിക്ക് പനി പിടിച്ചു. ഇതുകണ്ടിട്ട് സുരാജേട്ടന് കാരവനില്‍ വിളിച്ചിട്ട് പറഞ്ഞു, നീ തലമുടി വെട്ടണം. ഇല്ലെങ്കില്‍ സിനിമ കഴിയുമ്പോഴേക്കും നീരിറങ്ങി വയ്യാതെയാകുമെന്ന്. ചേട്ടന്‍ എന്റെ നല്ലതിന് വേണ്ടിയാണ് പറഞ്ഞതെന്ന് അറിയാവുന്നത് കൊണ്ട് അന്ന് തന്നെ പോയി മൊട്ടയടിച്ചു. സൂരജ് പറഞ്ഞു.