ഗപ്പി സിനിമയില്‍ ആമിനയായി എത്തി മലയാളി പ്രേക്ഷകരുടെ പ്രിയതാരമായി മാറിയ ബാലതാരമാണ് നന്ദന വര്‍മ്മ. അയാളും ഞാനും തമ്മില്‍, ഗപ്പി തുടങ്ങിയ ചിത്രങ്ങളിലെ അഭിനയവും നന്ദനയെ മലയാളികള്‍ക്ക് പ്രിയങ്കരിയാക്കി. നന്ദനയുടെ മുഖത്തേക്ക് നോക്കിയാല്‍ ആദ്യം ശ്രദ്ധിക്കുക താരത്തിന്റെ കോന്ത്രപ്പല്ലാകും. എന്നാല്‍ ആരു കളിയാക്കിയാലും അത് മാറ്റാന്‍ തനിക്ക് ഉദേശമില്ലെന്നാണ് നന്ദന പറയുന്നത്.
“കഴിഞ്ഞ ദിവസം കൂടി വീട്ടില്‍ പറഞ്ഞേയുള്ളൂ, ആ പല്ല് ഭയങ്കര ബോറാ ഒന്ന് ശരിയാക്കിക്കൂടേന്ന്. പലരും പറഞ്ഞിട്ടുണ്ട്, ചിരിക്കുമ്പോള്‍ ഭയങ്കര ബോറാണെന്നൊക്കെ. പക്ഷേ കളിയാക്കുന്നവരോട് ഇടക്ക് ഞാന്‍ പറയാറുണ്ട് ഇത് യുണീക്കല്ലേ എന്ന്.. പല്ല് ശരിയാക്കണമെന്ന് എനിക്കൊട്ടും താത്പര്യമില്ല.”
https://www.instagram.com/p/B6P2-1dgDsR/?utm_source=ig_web_copy_link
Read more
“ഇനി വലുതാകുമ്പോള്‍ എന്ത് ചെയ്യുമെന്ന് എനിക്കറിയില്ല. ആദ്യമൊക്കെ ഇന്‍സ്റ്റാഗ്രാമിലൊക്കെ ഇടുന്ന ചിത്രങ്ങള്‍ക്ക് താഴെ കുറേ നെഗറ്റീവ് കമന്റുകളൊക്കെ വന്നിരുന്നു. പക്ഷേ പിന്നെ പോസ്റ്റ് ഇട്ട് ഇട്ട് ആരും അങ്ങനെ മൈന്‍ഡ് ചെയ്യാതായി.” മാതൃഭൂമിയുമായുള്ള അഭിമുഖത്തില്‍ നന്ദന പറഞ്ഞു.
