കോവിഡ് 19 പ്രതിസന്ധിക്കിടെ പ്രധാനമന്ത്രിയുടെ ദുരിതാശ്വാസനിധിയിലേക്കും മഹാരാഷ്ട്ര മുഖ്യമന്ത്രിയുടെ ദുരിതാശ്വാസനിധിയിലേക്കും സഹായധനം നല്‍കി ബോളിവുഡ് താരങ്ങളായ വിക്കി കൗശലും ആലിയ ഭട്ടും സാറാ അലി ഖാനും. ഒരു കോടി രൂപയാണ് പിഎം കെയര്‍സ് ഫണിലേക്കും മഹാരാഷ്ട്ര മുഖ്യമന്ത്രിയുടെ ദുരിതാശ്വാസനിധിയിലേക്കുമായി വിക്കി കൗശല്‍ നല്‍കുന്നത്.
ആലിയ ഭട്ടും സാറാ അലിഖാനും തുക എത്രയെന്ന് വ്യക്തമാക്കിയിട്ടില്ല. രാജ്യം ലോക്ഡൗണ്‍ ചെയ്തിരിക്കുന്ന സമയത്ത് കേന്ദ്ര-സംസ്ഥാന സര്‍ക്കാരുകള്‍ നട
ത്തുന്ന പ്രതിരോധ ശ്രമങ്ങളെ താന്‍ അഭിവാദ്യം ചെയ്യുന്നതായി ആലിയ സോഷ്യല്‍ മീഡിയയില്‍ കുറിച്ചു. എല്ലാ സംഭാവനകളും ഈ പകര്‍ച്ചവ്യാധി തടയാനായുള്ള പ്രതീക്ഷയാണെന്നും എല്ലാവരും തങ്ങള്‍ക്ക് കഴിയുംപോലെ സഹായിക്കണമെന്നും സാറ അലിഖാന്‍ ഇന്‍സ്റ്റഗ്രാമില്‍ കുറിച്ചു.
Read more
അക്ഷയ് കുമാര്‍, വരുണ്‍ ധവാന്‍, പ്രിയങ്ക ചോപ്ര, സല്‍മാന്‍ ഖാന്‍, ഹൃത്വിക് റോഷന്‍, അര്‍ജുന്‍ ബിജ്‌ലാനി, തെന്നിന്ത്യന്‍ താരങ്ങളും സഹായധനം പ്രഖ്യാപിച്ചിട്ടുണ്ട്.
