ബോളിവുഡ് നടി സണ്ണി ലിയോണിന്റെ പേരില് കഴിഞ്ഞ കുറച്ചു ദിവസങ്ങളിലായി പൊല്ലാപ്പിലായിരിക്കുകയാണ് ഡല്ഹി സ്വദേശിയായ പുനീത് അഗര്വാള്. സണ്ണി ലിയോണിന്റെ നമ്പര് അല്ലേ എന്ന് ചോദിച്ച് രാത്രിയും പകലും എന്നില്ലാതെ നൂറുകണക്കിന് പേരാണ് ഫോണ്വിളിക്കുകയും മെസേജുമായി യുവാവിനെ വട്ടം ചുറ്റിക്കുന്നത്. കഴിഞ്ഞ ദിവസം റിലീസായ സണ്ണി ലിയോണിന്റെ ഒരു പഞ്ചാബി സിനിമയാണ് യുവാവിന് തലവേദന സൃഷ്ടിച്ചിരിക്കുന്നത്.
സണ്ണി ലിയോണി അഭിനയിച്ച അര്ജുന് പാട്യാല എന്ന ചിത്രം കഴിഞ്ഞ വാരമാണ് തിയേറ്ററുകളിലെത്തിയത്. ചിത്രത്തില് സണ്ണിയുടെ കഥാപാത്രം തന്റെ നമ്പറാണെന്ന് പറഞ്ഞ് ഒരു ഫോണ് നമ്പര് പറയുന്നുണ്ട്. ഈ നമ്പരിലേക്കാണ് സണ്ണി ലിയോണല്ലേ എന്നു ചോദിച്ചുള്ള കോളുകളുടെ പ്രവാഹം. എന്തായാലും ചിത്രത്തിന്റെ അണിയറക്കാരുടെ അശ്രദ്ധമൂലം ഇപ്പോള് കഷ്ടപ്പെടുന്നത് പുനീതാണ്.
Read more
ഫോണ് വിളി ശല്യമായി മാറിയതോടെ പുനീത് പൊലീസില് പരാതി നല്കിയെങ്കിലും ഫോണ് വിളികള്ക്ക് കുറവില്ല. ബിസ്നസ്കാരനായ പുനീതിന് ബിസിനസിനെ ബാധിക്കുന്നതിനാല് നമ്പര് മാറ്റാന് പറ്റാത്ത അവസ്ഥയാണ്. രണ്ട് ദിവസമായി ജോലിക്ക് പോകാനോ ശരിക്ക് ഉറങ്ങാനോ സാധിക്കുന്നില്ലെന്നാണ് പറയുന്നത്. രാജ്യത്തിനുള്ളില് നിന്ന് മാത്രമല്ല വിദേശ രാജ്യങ്ങളില് നിന്നു പോലും ഫോണ് വരുന്നുണ്ടെന്നാണ് പുനീത് പറയുന്നത്.