മകളെ മര്‍ദ്ദിച്ചു എന്ന് ആരോപിച്ച് ഭര്‍ത്താവിനെതിരെ പരാതി നല്‍കി ബോളിവുഡ് നടി ശ്വേത തിവാരി. തന്റെ ആദ്യ ബന്ധത്തിലെ മകളായ പാലകിനെ രണ്ടാം ഭര്‍ത്താവ് അഭിനവ് കോഹ്ലി അധിക്ഷേപിക്കുകയും ഉപദ്രവിക്കുയും ചെയ്‌തെന്നാണ് ശ്വേത പരാതിയില്‍ പറയുന്നത്. സ്ഥിരമായി മദ്യപിക്കുന്ന അഭിനവ് തന്നെയും ക്രൂരമായി മര്‍ദ്ദിക്കുന്നുവെന്നും ശ്വേത പരാതിയില്‍ പറയുന്നു.
മോഡലിംഗ് രംഗത്ത് പ്രവര്‍ത്തിക്കുന്ന പാലകിനെ അഭിനവ് മോഡലിംഗ് ചിത്രങ്ങളുടെ പേരിലാണ് അധിക്ഷേപിക്കുകയും പരിഹസിക്കുകയും ചെയ്യുന്നെന്ന് ശ്വേത പരാതിയില്‍ പറയുന്നു. ശ്വേതയുടെ പരാതിയെ തുടര്‍ന്ന് അഭിനവിനെ മുംബൈ പൊലീസ് നാല് മണിക്കൂറോളം ചോദ്യം ചെയ്തു എങ്കിലും അഭിനവ് കുറ്റം സമ്മതിച്ചില്ലെന്നാണ് വിവരം.
Read more
ശ്വേതയുടെയും നടന്‍ രാജാ ചൗധരിയുടെയും മകളാണ് പാലക് ചൗധരി. 1998- ല്‍ വിവാഹിതരായ ഇവര്‍ 2007- ല്‍ വേര്‍പിരിഞ്ഞിരുന്നു. 2013- ലാണ് ശ്വേത അഭിനവിനെ വിവാഹം ചെയ്യുന്നത്. ഈ ബന്ധത്തില്‍ ഒരു ആണ്‍കുഞ്ഞുണ്ട്.
