കേന്ദ്ര മന്ത്രി അമിത് ഷായ്ക്ക് ജന്മദിനാശംസകള് നേര്ന്ന നടി സാറ അലിഖാന് വിമര്ശനങ്ങള്. ട്വിറ്ററില് അമിത് ഷായെ ടാഗ് ചെയ്താണ് ‘ആഭ്യന്തര മന്ത്രി അമിത് ഷായ്ക്ക് ഊഷ്മളമായ ജന്മദിനാശംസകള്’ എന്ന് സാറ ഖാന് കുറിച്ചത്. ഇതിന് പിന്നാലെ 100 കോടി വാക്സിന് ഡോസുകള് വിതരണം ചെയ്തതില് കേന്ദ്ര സര്ക്കാറിനെ പ്രശംസിച്ചും സാറ ട്വീറ്റ് ചെയ്തു.
ഇന്ത്യ ജയിക്കും കൊറോണ തോല്ക്കും എന്ന ഹാഷ്ടാഗോടെയാണ് ട്വീറ്റ്. നേരത്തെ പ്രധാനമന്ത്രി നരേന്ദ്രമോദിയെ അഭിനന്ദിച്ചും സാറ ട്വീറ്റ് ചെയ്തിരുന്നു. ഇതോടെയാണ് സാറയ്ക്ക് നേരെ പരിഹാസങ്ങളും വിമര്ശനങ്ങളും ഉയര്ന്നത്. ‘ഇനി എന്സിബി റെയ്ഡുണ്ടാകില്ല, നിങ്ങള് സുരക്ഷിതയാണ്’ എന്നാണ് ഒരാള് ട്വീറ്റ് ചെയ്തത്.
Warmest birthday wishes and regards to the Hon’ble Union Home Minister @AmitShah ji.
— Sara Ali Khan (@SaraAliKhan) October 22, 2021
One billion vaccines is a tremendous achievement!! However let’s continue to remain vigilant and ensure the health and safety of our nation 🙏🏻#IndiaJeetegaCoronaHarega 🇮🇳
— Sara Ali Khan (@SaraAliKhan) October 22, 2021
ഈ ട്വീറ്റ് കൊണ്ട് നാര്കോട്ടിക് റെയ്ഡില് നിന്നും രക്ഷപ്പെടാമെന്ന് കരുതിയിരിക്കുകയാണ്, സാറ സ്വയം സുരക്ഷിതയായി എന്നാണ് മറ്റു ചിലരുടെ ട്വീറ്റുകള്. റെയ്ഡ് ലിസ്റ്റില് നിന്നും സാറ അലിഖാന്റെ പേര് വെട്ടാന് ആവശ്യപ്പെടുന്ന അമിത് ഷായുടെ ചിത്രം ഉള്പ്പെടുത്തിയുള്ള ട്രോളുകളും എത്തുന്നുണ്ട്.
അക്ഷയ് കുമാറും തമിഴ് നടന് ധനുഷും നായകനായിരുന്ന അത്രംഗി രേ ആണ് സാറയുടെ അടുത്ത ചിത്രം. ആനന്ദ് എല് റായ് ആണ് ഡയറക്ടര്. ഈ വര്ഷം ആദ്യം ചിത്രം റിലീസ് ചെയ്യുമെന്ന് പ്രതീക്ഷിക്കപ്പെട്ടിരുന്നെങ്കിലും കോവിഡ് മൂലം ചിത്രീകരണം വൈകുകയായിരുന്നു. കേദര്നാഥ് എന്ന ചിത്രത്തിലൂടെയാണ് അലിഖാന്റെയും അമൃത റാവുവിന്റെയും മകളായ സാറ അഭിനയരംഗത്തേക്ക് എത്തുന്നത്.