ബോളിവുഡ് താരം സഞ്ജയ് ദത്തിനു ശ്വാസകോശ അര്ബുദം സ്ഥിരീകരിച്ചു. ട്രേഡ് അനലിസ്റ്റ് കോമള് നാഹ്തയാണ് അര്ബുദം സ്ഥിരീകരിച്ച വിവരം ആദ്യം ട്വിറ്ററിലൂടെ പങ്കുവെച്ചത്. രോഗത്തിന്റെ നാലാം ഘട്ടത്തിലാണ് സഞ്ജയ് എന്നുമാണ് റിപ്പോര്ട്ടുകള്. ചികിത്സയ്ക്കായി സിനിമയില് നിന്നും ഇടവേള എടുക്കുകയാണെന്ന വിവരം സഞ്ജയ് സോഷ്യല് മീഡിയയില് പങ്കുവെച്ചിട്ടുണ്ട്.
“”ചികിത്സയ്ക്കായി ജോലിയില് നിന്ന് ചെറിയ ഇടവേള എടുക്കുകയാണ്. കുടുംബവും സുഹൃത്തുക്കളും ഒപ്പമുണ്ട്. വിഷമിക്കുകയോ അനാവശ്യമായി ഊഹാപോഹങ്ങള് നടത്തുകയോ ചെയ്യരുതെന്ന് എല്ലാവരോടും അഭ്യര്ത്ഥിക്കുന്നു. നിങ്ങളുടെ എല്ലാ സ്നേഹത്തോടും ആശംസകളോടും കൂടി ഞാന് മടങ്ങി വരും”” എന്നാണ് സഞ്ജയ് കുറിച്ചത്.
Sanjay Dutt diagnosed with lung cancer. Let’s pray for his speedy recovery.https://t.co/IBc6j2XchZ
— Komal Nahta (@KomalNahta) August 11, 2020
ശ്വാസതടസ്സത്തെ തുടര്ന്ന് സഞ്ജയ് ദത്തിനെ രണ്ട് ദിവസങ്ങള്ക്ക് മുമ്പ് ലീലാവതി ആശുപത്രിയില് പ്രവേശിപ്പിരുന്നു. കോവിഡ് ഫലം നെഗറ്റീവാണെന്നും മറ്റ് കുഴപ്പങ്ങളൊന്നും ഇല്ലെന്നും സഞ്ജയ് ആരാധകരുമായി പങ്കുവെച്ചിരുന്നു.
— Sanjay Dutt (@duttsanjay) August 11, 2020
Read more
സഡക് 2 ആണ് സഞ്ജയ് ദത്തിന്റെ റിലീസിനൊരുങ്ങുന്ന ഏറ്റവും പുതിയ ചിത്രം. മഹേഷ് ഭട്ട് സംവിധാനം ചെയ്ത ചിത്രം ഡിസ്നി പ്ലസ് ഹോട്സ്റ്റാര് പ്ലാറ്റ്ഫോമിലാണ് റിലീസ് ചെയ്യുന്നത്. കെജിഎഫ് 2 ആണ് സഞ്ജയുടെ അണിയറയില് ഒരുങ്ങുന്ന മറ്റൊരു സിനിമ. സഞ്ജയുടെ ജന്മദിനത്തില് ചിത്രത്തിലെ ക്യാരക്ടര് പോസ്റ്റര് റിലീസ് ചെയ്തിരുന്നു.