ദില്‍ സേ എന്ന ചിത്രത്തിലെ “ജിയാ ചലേ” എന്ന ഗാനം ബോളിവുഡ് പ്രേക്ഷകര്‍ക്ക് മാത്രമല്ല മലയാളികള്‍ക്കും പ്രിയപ്പെട്ടതാണ്. കേരളം പശ്ചാത്തലമാക്കി ഒരുക്കിയ ഗാനത്തില്‍ മലയാളത്തില്‍ നിന്നുള്ള വരികളുമുണ്ട്. ഗാനത്തെ കുറിച്ചുള്ള ഓര്‍മ്മകള്‍ പങ്കുവച്ചിരിക്കുകയാണ് പ്രീതി സിന്റ. ആനകള്‍ക്ക് മുന്നില്‍ നിന്നും നൃത്തം ചെയ്യുന്ന ചിത്രമാണ് താരം പങ്കുവച്ചിരിക്കുന്നത്.
“”ഞാന്‍ എന്താണ് ചെയ്യുന്നതെന്ന് ഓര്‍ത്ത് ആനകള്‍ അമ്പരന്നു നില്‍ക്കുകയാണ് എന്നാണോ നിങ്ങള്‍ ചിന്തിക്കുന്നത്? നല്ല കുട്ടിയായി ഫറാ ഖാന്‍ ആവശ്യപ്പെട്ടതെല്ലാം ചെയ്യുകയായിരുന്നു ഞാന്‍”” എന്നാണ് പ്രീതി സിന്റ ക്യാപ്ഷനായി കുറിച്ചത്. ദില്‍ സെ ചിത്രീകരണത്തിനിടയിലെ തനിക്ക് ഏറ്റവും ഇഷ്ടപ്പെട്ട ചിത്രങ്ങളിലൊന്നാണ് ഇതെന്നും പ്രീതി കൂട്ടി ചേര്‍ത്തു.
Do u think the elephants were wondering what the hell was I doing ? I was just doing everything @thefarahkhan asked me to like a good girl😂 This has to be one of my favourite photos from the Dil Se shoot ❤️ #Jiyajale #Dilse #throwback #Ting pic.twitter.com/URPPFzEabU
— Preity G Zinta (@realpreityzinta) January 16, 2021
പ്രീതി സിന്റെയുടെ ബോളിവുഡ് അരങ്ങേറ്റ ചിത്രമാണ് ദില്‍ സേ. മണിരത്‌നം സംവിധാനം ചെയ്ത ചിത്രം 1998-ല്‍ ആണ് പുറത്തിറങ്ങിയത്. പ്രണയ-യുദ്ധ-ത്രില്ലര്‍ ചിത്രമായി എത്തിയ ദില്‍ സേയില്‍ ഷാരൂഖ് ഖാന്‍, മനീഷ കൊയ്‌രാള എന്നിവരും കേന്ദ്ര കഥാപാത്രങ്ങളായെത്തി.
Read more
ചിത്രത്തിലെ മറ്റു ഗാനങ്ങളും ഏറെ ശ്രദ്ധ നേടിയിരുന്നു. എ.ആര്‍. റഹ്മാനാണ് ചിത്രത്തിന്റെ സംഗീത സംവിധാനം നിര്‍വ്വഹിച്ചത്. വടക്കുകിഴക്കന്‍ ഇന്ത്യയിലെ സായുധകലാപത്തിന്റെ പശ്ചാത്തലത്തിലുള്ള ഒരു പ്രണയ ചിത്രമായ ദില്‍ സേയ്ക്ക് അക്കൊല്ലത്തെ മികച്ച ക്യാമറമാന്‍ (സന്തോഷ് ശിവന്‍), മികച്ച ഓഡിയോഗ്രാഫര്‍ (എച്ച് ശ്രീധര്‍) എന്നിവയ്ക്കുള്ള ദേശീയ പുരസ്‌കാരം ലഭിച്ചു.
