സഞ്ജയ് ലീലാ ബന്‍സാലിയുടെ വിവാദ ചിത്രം പത്മാവത് പ്രമോഷനുകളില്‍നിന്ന് വിട്ടുനില്‍ക്കാന്‍ താരങ്ങള്‍ക്ക് അണിയറ പ്രവര്‍ത്തകരുടെ നിര്‍ദ്ദേശം. പ്രമോഷന്റെ ഭാഗമായി മാധ്യമങ്ങള്‍ ചോദിക്കുന്ന ചോദ്യങ്ങള്‍ക്ക് അബദ്ധ ഉത്തരങ്ങള്‍ പറഞ്ഞാല്‍ അത് ചിത്രത്തെ വീണ്ടും വിവാദത്തിലാകും എന്ന് ഭയന്നാണ് അണിയറ പ്രവര്‍ത്തകര്‍ ദീപിക പദുക്കോണ്‍, രണ്‍വീര്‍ സിംഗ്, ഷാഹിദ് കപൂര്‍ തുടങ്ങിയ ബോളിവുഡ് താരങ്ങളോട് പ്രമോഷനുകളില്‍നിന്ന് വിട്ടുനില്‍ക്കാന്‍ നിര്‍ദ്ദേശിച്ചിരിക്കുന്നത്.
ബിജെപി ഭരിക്കുന്ന നാല് സംസ്ഥാനങ്ങളില്‍ സിനിമയ്ക്ക് ഇപ്പോള്‍ തന്നെ വിലക്കുണ്ട്. ഇന്ത്യ മുഴുവന്‍ വിലക്ക് ഏര്‍പ്പെടുത്താന്‍ രജ്പുത് സംഘടനകള്‍ പരിശ്രമിച്ചുകൊണ്ടിരിക്കുകയാണ്. ഈ സാഹചര്യത്തിലാണ് കൂടുതല്‍ ശ്രദ്ധയോടെ മുന്നോട്ടു നീങ്ങാന്‍ സഞ്ജയ് ലീലാ ബന്‍സാലിയും കൂട്ടരും തീരുമാനിച്ചിരിക്കുന്നത്.
Read more
കഴിഞ്ഞ വര്‍ഷം ഡിസംബര്‍ ഒന്നിന് റിലീസ് ചെയ്യേണ്ടിയിരുന്ന ചിത്രമാണ് പത്മാവതി. പിന്നീടുണ്ടായ വിവാദങ്ങളുടെ പശ്ചാത്തലത്തില്‍ സെന്‍സര്‍ ബോര്‍ഡ് ഇടപെടുകയും സിനിമയുടെ പേര് പത്മാവത് എന്നാക്കി ചുരുക്കുകയും ചെയ്തിരുന്നു. ജനുവരി 25നാണ് സിനിമയുടെ ഗ്ലോബല്‍ റിലീസ്. ഷൂട്ടിംഗ് തുടങ്ങിയപ്പോള്‍ മുതല്‍ തന്നെ വിവാദത്തിലായ ചിത്രം ഇന്ത്യയിലെ ഏറ്റവും വലിയ ബോക്‌സ് ഓഫീസ് ഹിറ്റുകളില്‍ ഒന്നായി മാറുമെന്നാണ് കണക്കാക്കപ്പെടുന്നത്.
