ബോളിവുഡില്‍ മികച്ച ചിത്രങ്ങളുമായി വിജയക്കുതിപ്പ് തുടരുന്ന നിര്‍മ്മാതാവും സംവിധായകനുമാണ് കരണ്‍ ജോഹര്‍. സോഷ്യല്‍ മീഡിയയിലെ ട്രോളുകളോട് എങ്ങനെ പ്രതികരിക്കണമെന്ന് തനിക്ക് നന്നായി അറിയാമെന്ന് തെളിയിച്ചിരിക്കുകയാണ് കരണ്‍. തന്റെ ലൈംഗികതയുടെ പേരില്‍ പരിഹസിക്കാന്‍ ശ്രമിച്ച ട്രോളന്റെ വായടപ്പിച്ചിരിക്കുകയാണ്.
ഫിലിം ക്രിട്ടിക് രാജീവ് മസന്റിന് മറുപടി കൊടുക്കവേയാണ് കരണിനെയും രാജീവിനെയും ടാഗ് ചെയ്തു കൊണ്ട് “കരണ്‍ ജോഹര്‍: ദ ഗേ എന്ന പേരില്‍ അദ്ദേഹത്തിന്റെ ജീവിതത്തെ കുറിച്ച് ഒരു സിനിമ എടുക്കണം” എന്ന ട്വീറ്റ് വന്നത്. ഇതിനാണ് കരണിന്റെ വായടപ്പിക്കുന്ന മറുപടി.
“താങ്കള്‍ ശരിക്കും ഒരു ജീനിയസാണ്! ഇത്രയും കാലം താങ്കള്‍ എവിടെ ഒളിച്ചിരിക്കുകയായിരുന്നു? ഇത്രയും പ്രാധാന്യമുള്ള കാര്യം ഉന്നയിച്ച താങ്കള്‍ ഇന്ന് ട്വിറ്ററിലെ ശബ്ദമാണ്!” എന്നാണ് കരണിന്റെ മറുപടി. മറുപടി കിട്ടി മിനിറ്റുകള്‍ക്കുള്ളില്‍ ഈ ട്വീറ്റ് ഡിലീറ്റ് ചെയ്യുകയും ചെയ്തു. കൂടാതെ കരണിന് പിന്തുണ പ്രഖ്യാപിച്ചും ട്വീറ്റുകള്‍ നിറഞ്ഞു.
Read more
