'ഒരു വലതുപക്ഷക്കാരന് സ്വരയെ പ്രണയിക്കാമോ?'; ആരാധകന് മറുപടി നല്‍കി താരം

ബോളിവുഡ് താരം സ്വര ഭാസ്‌ക്കറിന്റെ ശക്തമായ രാഷ്ട്രീയ നിലപാടുകള്‍ സോഷ്യല്‍ മീഡിയയില്‍ ചര്‍ച്ചയാകാറുണ്ട്. അഭിപ്രായ പ്രകടനത്തിന്റെ പേരില്‍ താരം ഇടയ്ക്ക് വിവാദത്തില്‍ പെടാറുമുണ്ട്. സ്വര ഒരു ആരാധകന് ട്വിറ്ററില്‍ നല്‍കിയ മറുപടിയാണ് സോഷ്യല്‍ മീഡിയയില്‍ വൈറലായിരിക്കുന്നത്.

“”വലതു പക്ഷക്കാരനായ ഒരാള്‍ക്ക് സ്വരയെ പ്രണയിക്കാമോ?”” എന്നായിരുന്നു സിദ്ധാര്‍ഥ് ജെയിന്‍ എന്ന ട്വിറ്റര്‍ യൂസര്‍ സ്വരയോട് ചോദിച്ചത്. ക്വസ്റ്റ്യന്‍ ഓഫ് ദ ഡേ എന്നാണ് സ്വര ഇയാള്‍ക്ക് മറുപടി കൊടുത്തിരിക്കുന്നു. ഇതിനൊപ്പം സ്‌മൈലി ഇമോജികളും താരം നല്‍കിയിട്ടുണ്ട്.

സിഎഎയ്ക്ക് എതിരെയുള്ള സമരങ്ങളിലും കര്‍ഷക പ്രക്ഷോഭത്തിലും സ്വര പങ്കെടുത്തിട്ടുണ്ട്. തിരഞ്ഞെടുപ്പ് പ്രചാരണത്തിലും പങ്കെടുത്ത സ്വര അടുത്തൊന്നും രാഷ്ട്രീയത്തിലേക്ക് ഇല്ല എന്നാണ് വ്യക്തമാക്കിയിട്ടുള്ളത്. അതേസമയം, ആപ്‌കെ കംരേ മേ കോയി രഹ്താ ഹെ എന്ന ഹൊറര്‍ സീരിസാണ് സ്വരയുടെതായി പുറത്തിറങ്ങിയിട്ടുള്ളത്.

റാസ്ബരി, ഫ്‌ളഷ്, ബാഗ് ബീനി ബാഗ് എന്നീ വെബ്‌സീരിസുകളിലും സ്വര വേഷമിട്ടിട്ടുണ്ട്. ഷീര്‍ കൊര്‍മ ആണ് താരത്തിന്റെതായി റിലീസിന് ഒരുങ്ങുന്നത്. എല്‍ജിബിടി വിഭാഗത്തിന്റെ പ്രണയമാണ് ചിത്രം പറയുക. നേരത്തെ പുറത്തെത്തിയ ചിത്രത്തിന്റെ ട്രെയ്‌ലര്‍ വിവാദത്തില്‍ പെട്ടിരുന്നു.