ബോളിവുഡില്‍ ഏറ്റവും അധികം ആരാധകരുളള താരങ്ങളാണ് ദീപിക പദുകോണും രണ്‍വീര്‍ സിങ്ങും. സിനിമയില്‍ മാത്രമല്ല ജീവിതത്തിലും ഇവര്‍ പെര്‍ഫക്ട് ജോഡികളാണ്. ബോളിവുഡ് പ്രേക്ഷകര്‍ ഏറ്റവും കൂടുതല്‍ ആഗ്രഹിച്ച താരവിവാഹമായിരുന്നു ഇവരുടേത്. 2018 നവംബര്‍ 14 ആയിരുന്നു ദീപികയും രണ്‍വീറും വിവാഹിതരായത്. ഏറെ നാളത്തെ പ്രണയത്തിനു ശേഷമാണ് ഇരുവരും കഴിഞ്ഞ വര്‍ഷം വിവാഹിതരായത്. അടുത്തിടെ ഒരു പരിപാടിയില്‍ ദീപിക സംസാരിക്കവേ ഉണ്ടായ രസകരമായ കാര്യമാണ് സോഷ്യല്‍ മീഡിയയില്‍ ചിരി പടര്‍ത്തുന്നത്.
വീഡിയോയില്‍, “”ഞാന്‍ ഒരു മകളാണ്, ഞാന്‍ ഒരു സഹോദരിയാണ്, ഞാന്‍ ഒരു നടിയാണ്”” എന്ന് ദീപിക പറയുന്നു, അപ്പോള്‍ അവതാരക ദീപികയോട് ചോദിക്കുന്നു, “”ഒരു ഭാര്യ?”” ദീപിക ചിരിച്ചു കൊണ്ട് പറയുന്നു, “”ഞാന്‍ ഒരു ഭാര്യയാണ്, ദൈവമേ, ഞാന്‍ മറന്നു!,”” എന്ന്. ഇത് സദസില്‍ ചിരിപടര്‍ത്തി.
https://www.instagram.com/p/B2cPrQcBU4T/?utm_source=ig_web_copy_link
Read more
പദ്മാവദിനു ശേഷം ദീപികയും രണ്‍വീറും വീണ്ടും 83 എന്ന ചിത്രത്തിലൂടെ വീണ്ടും ഒന്നിക്കുകയാണ്. ഇന്ത്യന്‍ ക്രിക്കറ്റ് ഇതിഹാസം കപില്‍ ദേവിന്റെ ജീവിതത്തെ ആസ്പദമാക്കിയാണ് ചിത്രം ഒരുങ്ങുന്നത്. കബീര്‍ സിംഗ് സംവിധാനം ചെയ്യുന്ന ചിത്രത്തില്‍ ഭാര്യാര്‍ത്താക്കന്മാരായി തന്നെയാണ് താരങ്ങള്‍ എത്തുന്നത്. കപില്‍ ദേവായി രണ്‍വീര്‍ സിംഗ് എത്തുമ്പോള്‍ ഭാര്യ റോമിയായിട്ടാണ് ദീപിക എത്തുന്നത്.
