ഒരു കാലത്ത് പ്രേക്ഷകരുടെ ഇഷ്ട നടി ആയിരുന്നു ശില്പ ഷെട്ടി. ഏതാണ്ട് 20 വർഷം നീണ്ടു നിന്ന അഭിനയ ജീവിതത്തിനു ശേഷം അവർ ടെലിവിഷൻ മേഖലയിലേക്കും യോഗയിലേക്കും ഒക്കെ ചുവടുമാറി. 2007 നു ശേഷം കാമിയോ റോളുകളിൽ മാത്രമാണ് അവർ സ്‌ക്രീനിൽ എത്തിയത്. എന്നാൽ നീണ്ട പതിമൂന്നു വർഷങ്ങൾക്ക് ശേഷം തിരിച്ചു വരവിനു ഒരുങ്ങുകയാണ് ശില്പ. സാബിർ ഖാന്റെ ആക്ഷൻ സിനിമ നിക്കമ്മയിലൂടെ ആണ് തിരിച്ചു വരവ്.
ബിഗ് സ്‌ക്രീനിലേക്കുള്ള ഈ തിരിച്ചു വരവ് പ്രതീക്ഷയോടെ നോക്കി കാണുന്നു എന്ന് ശില്പ ഷെട്ടി പറഞ്ഞു. “ഇത് വരെ ചെയ്യാത്ത വേഷമാണ് നിക്കമ്മയിൽ താൻ ചെയ്യുന്നത്. ഏറെ പുതുമകളോടെ പ്രേക്ഷകർക്ക് മുന്നിൽ എത്താൻ കാത്തിരിക്കുന്നു എന്നും അവർ പത്ര സമ്മേളനത്തിൽ പറഞ്ഞു. വളരെ അപൂർവമായി മാത്രം ലഭിക്കാവുന്ന തരം കഥാപാത്രം ആയത് കൊണ്ടാണ് ഈ സിനിമയുടെ ഭാഗമാകാൻ തീരുമാനിച്ചതെന്നും അവർ പറഞ്ഞു.
Read more
ശിൽപയുടെ തിരിച്ചു വരവിനു കാരണമായതിൽ സന്തോഷമുണ്ടെന്ന് നിക്കമ്മയുടെ സംവിധായകൻ സാബിർ ഖാൻ പറഞ്ഞു. ഇന്ത്യയിലെ എല്ലാ വീടുകളിലും ശില്പ സുപരിചിതയാണ്.ആ തിരിച്ചറിവ് തനിക്കുണ്ട്. അവരുടെ ആരാധകരെ ത്രില്ല് അടിപ്പിക്കുന്ന സിനിമയാണ് അണിയറയിൽ ഒരുങ്ങുന്നത് എന്നും അദ്ദേഹം പറഞ്ഞു. 2020 പകുതിയുടെ നിക്കമ്മ തീയറ്ററിൽ എത്തും.
