വയസ് ഇരുപതായാലും സ്വന്തമായി പത്ത് കാശുണ്ടാക്കാൻ പാടുപെടുന്നവരാണ് നമ്മളിൽ മിക്കവരും. ആറാം വയസ്സിലായാലോ… കളിപ്പാട്ടം, കളി, കുസൃതി എന്നിങ്ങനെ പോകും കുട്ടിക്കാലം. എന്നാൽ ആറാം വയസ്സിൽ വീട്ടിലിരുന്ന് ജോലി ചെയ്ത് 70 കോടിയോളം രൂപ സമ്പാദിക്കുന്ന ഒരാൾ ഉണ്ടെങ്കിലോ ? ഇപ്പോൾ കാലം മാറി ഇന്നത്തെ കുട്ടികൾ ചെറുപ്പം മുതലേ സമ്പാദിക്കുന്നവരാണ്.
വേൾഡ് എലൻ ഷോയിൽ ഇന്ത്യയുടെ പേര് എത്തിച്ച മലയാളി താരം കുട്ടി ഷെഫ് കിച്ച മുതൽ 106 വയസ്സുള്ള ഫുഡ്‌ബ്ലോഗർ മസ്തനാമ്മ വരെയുള്ള നിരവധി പേർ ഓൺലൈൻ വഴി ഇന്ന് പണം സമ്പാധിക്കുന്നുണ്ട്. ഇവരിൽ ഒരാളാണ് റയാൻ എന്ന ആറ് വയസ്സുകാരൻ, എന്നാൽ ഇവരിൽ നിന്നെല്ലാം റയാനെ വ്യത്യസ്തമാക്കുന്നതെന്തെന്നാൽ ലോകത്തിലെ ഏറ്റവും സമ്പന്നരായ യൂട്യൂബർമാരിൽ ഒരാളാണ് എന്നതാണ്. !
യൂട്യൂബ് വഴി കളിപ്പാട്ടങ്ങൾ റിവ്യൂ ചെയ്യുകയാണ് കൊച്ചു റയാന്റെ ജോലി. ഫോബ്‌സ് മാസികയുടെ കണക്കനുസരിച്ച് യുട്യൂബിലൂടെ ഏറ്റവുമധികം വരുമാനമുണ്ടാക്കുന്നവരുടെ കൂട്ടത്തിൽ എട്ടാം സ്ഥാനമാണ് റയാന്. അച്ഛന്റെയും അമ്മയുടെയും സഹായത്തോടെ വീട്ടിലിരുന്ന് തന്നെയാണ് റയാൻ ജോലി ചെയ്യുന്നത്. ചെറുപ്പം മുതലേ കളിപ്പാട്ടങ്ങളോട് കൂടുതൽ താല്പര്യം ഉണ്ടായിരുന്ന റയാന് അതിന്റെ റിവ്യൂ കാണുന്ന ശീലവുമുണ്ടായിരുന്നു. ഇതിനിടെയാണ് തനിക്കും ഇങ്ങനെ റിവ്യൂ ചെയ്താലെന്താ എന്ന് അച്ഛനോടും അമ്മയോടും നാലാം വയസ്സിൽ റയാൻ ചോദിക്കുന്നത്.
Read more
റയാൻ ടോയ്‌സ് റിവ്യൂ എന്ന പേരിൽ യൂ ടൂബിൽ ചാനൽ തുടങ്ങി വീഡിയോകൾ പബ്ലിഷ് ചെയ്യാൻ തുടങ്ങി. പ്രതീക്ഷിച്ചതിനേക്കാൾ വലിയ സ്വീകാര്യതയാണ് ആദ്യ മുതൽക്കേ വീഡിയോകൾക്ക് ലഭിച്ചത്. 2015 ജൂലൈയിൽ ചിത്രീകരിച്ച ഒരു വീഡിയോ എൺപത് കോടിയിലധികം (801,624,333) പേരാണ് ഇതിനോടകം കണ്ടത്. യൂ ട്യൂബിലെ കുഞ്ഞൻ താരമാണ് ഇപ്പോൾ റയാൻ എന്ന ഈ ആറുവയസുകാരൻ.
