ആലത്തൂരിലെ യുഡിഎഫ് സ്ഥാനാര്ഥി രമ്യ ഹരിദാസിനെതിരെ അശ്ലീല പരാമര്ശം നടത്തിയ എല്ഡിഎഫ് കണ്വീനര് എ വിജയരാഘവനെതിരെ വിമര്ശനവുമായി എഴുത്തുകാരി ശാരദക്കുട്ടി. വിജയരാഘവന്റെ തരംതാണ പരാമര്ശം പി സി ജോര്ജിനെ ഓര്മ്മിപ്പിക്കുന്നുവെന്ന് അവര് പറഞ്ഞു. ലജ്ജിക്കേണ്ടത് ഞങ്ങളല്ല, നിങ്ങളാണെന്ന് ശാരദക്കുട്ടി ഫെയ്സ്ബുക്കില് കുറിച്ചു.
ഫെയ്സ്ബുക്ക് പോസ്റ്റിന്റെ പൂര്ണരൂപം
സ്ത്രീവിരുദ്ധതയ്ക്കും രാഷ്ട്രീയാശ്ലീലങ്ങള്ക്കുമെതിരെ ദിവസവും രാവിലെ പ്രതികരിക്കേണ്ടി വരുന്ന ഗതികേടാണ് ഗതികേട്. ലജ്ജിക്കേണ്ടത് നിങ്ങളാണ്, ഞങ്ങളല്ല.
സ.വിജയരാഘവന് പാര്ട്ടിക്ക് തിരഞ്ഞെടുപ്പു കാലത്തു തന്നെ ഇമ്മാതിരി പണികള് കൊടുത്തതിലല്ല വിഷമം. നിങ്ങളുടെയൊക്കെ ഉള്ളിലിരിപ്പ് ഓര്ത്താണ്. നിങ്ങള് ഇന്നലെ പറഞ്ഞ തരംതാണ തമാശ പി.സി.ജോര്ജ്ജിനെ ഓര്മ്മിപ്പിക്കുന്നു. ലജ്ജിക്കേണ്ടത് നിങ്ങളാണ്.ഞങ്ങളല്ല.
പ്രതികരിക്ക്, പ്രതികരിക്ക് എന്ന് പിന്നാലെ നടന്നു പറയുന്ന ഊളകളോടാണ് അടുത്തു പറയാന് പോകുന്നത്. ആണാണെന്നു പറഞ്ഞു ഞെളിഞ്ഞു നടക്കുന്ന നിങ്ങടെയെല്ലാം ഉള്ളിലിരിപ്പ് ഇതു തന്നെയാണ്. ഇതിനു പിന്നാലെ നടന്ന് പ്രതികരിക്കാന് സൗകര്യപ്പെടില്ല. പ്രതികരിക്ക് എന്നു പറയുന്നവനെ ആ നിമിഷം അടിച്ചു പുറത്തു കളയും. വേറെ ജോലികളുണ്ട്. ലജ്ജിക്കേണ്ടത് നിങ്ങളാണ് ഞങ്ങളല്ല.
Read more
https://www.facebook.com/saradakutty.madhukumar/posts/2423801684299743