ഇന്ന് നടന്ന ഫിഫ ലോകകപ്പ് ഫൈനലിൽ മുൻ ചാമ്പ്യന്മാരായ അർജന്റീനയെ തകർത്ത് സ്പെയിൻ ലോക ചാമ്പ്യന്മാർ. ഇഞ്ചുറി ടൈമിലെ ഗോളിലാണ് സ്പെയിൻ വിജയിച്ചത്. സ്പെയിന് വേണ്ടി ഫെറാൻ ടോറസ് ആണ് ഗോൾ നേടിയത്.
2010 നു ശേഷം 16 കൊല്ലങ്ങൾ കഴിഞ്ഞാണ് സ്പെയിൻ ഫിഫ ലോകകപ്പ് നേടുന്നത്. മത്സരത്തിൽ പൂർണാധിപത്യത്തിൽ നിന്നത് സ്പെയിൻ തന്നെയായിരുന്നു. മത്സരത്തിൽ 20 ഓളം ഷോട്ടുകളാണ് സ്പെയിൻ അർജന്റീനയ്ക്കെതിരെ അടിച്ചത്. എന്നാൽ അര്ജന്റീന 2 ഷോട്ട് ഓൺ ടാർജറ്റ് മാത്രമാണ് അടിച്ചത്. മത്സരത്തിലെ 68 ശതമാനം പോസെഷനും സ്പെയിനിന്റെ കൈയിലായിരുന്നു. മത്സരശേഷം വിജയ ഗോൾ നേടിയ ഫെറാൻ സംസാരിച്ചു.
‘ നിരവധി തവണ ഞാൻ വിമർശിക്കപ്പെട്ടിട്ടുണ്ട്. എന്നാൽ അർഹത ഉള്ളവർക്ക് കാലം മനോഹരമായ സമ്മാനങ്ങൾ നൽകും. ഇതെന്റെ ഗോൾ അല്ല, 47 ദശലക്ഷം വരുന്ന സ്പാനിഷ് ആരാധകരുടെ ഗോളാണ്’ ഫെറാൻ പറഞ്ഞു.
