‘പ്രതിഷേധിച്ചത് യുവാക്കളുടെ ഭാവിക്കുവേണ്ടി, വിദ്യാർത്ഥികളെ ഉപദ്രവിക്കുന്നത് തുടർന്നാൽ ഉടൻ തെരുവിലിറങ്ങും’; അഭിജീത് ദിപ്കെ
ജന്തർ മന്തറിലെ സിജെപി പ്രതിഷേധവുമായി ബന്ധപ്പെട്ട് വിദ്യാർത്ഥികളെ ഉപദ്രവിക്കുന്നത് തുടർന്നാൽ ഉടൻ തെരുവിലിറങ്ങുമെന്ന് അഭിജീത് ദിപ്കെ. യുവാക്കളുടെ ഭാവിക്കുവേണ്ടിയാണ് പ്രതിഷേധിച്ചതെന്നും വിദ്യാര്ത്ഥികളെ ലക്ഷ്യമിട്ടുള്ള വേട്ട സര്ക്കാര് അവസാനിപ്പിക്കണമെന്നും അഭിജീത് ദിപ്കെ എക്സിൽ കുറിച്ചു.
‘വിദ്യാര്ത്ഥികള്ക്കെതിരായ അതിക്രമം പൊലീസ് തുടരുകയാണെങ്കില് കോക്രോച്ച് ജനതാ പാര്ട്ടി വീണ്ടും പ്രതിഷേധവുമായി രംഗത്തിറങ്ങും. വിദ്യാര്ത്ഥികളെ ലക്ഷ്യമിട്ടുള്ള വേട്ട സര്ക്കാര് അവസാനിപ്പിക്കണം’- ദീപ്കെ എക്സില് കുറിച്ചത്. അതേസമയം നിലവിലെ കേസുകളിലും എഫ്ഐആറുകളിലും അന്വേഷണം തുടരാം എന്ന സുപ്രീംകോടതി ഉത്തരവ് അംഗീകരിക്കാനാകില്ലെന്ന് സിജെപി വ്യക്തമാക്കിയിട്ടുണ്ട്.
നേരത്തെ സിജെപിക്ക് നല്കിയ ഉറപ്പ് സര്ക്കാര് കോടതിയെ ഔദ്യോഗികമായി അറിയിക്കണമെന്ന് സിജെപി ആവശ്യപ്പെട്ടിരുന്നു. കോടതി ഉത്തരവ് നിലവില് ഉണ്ടെങ്കില് പോലും കേസുകളില് അന്വേഷണം തുടരാന് പാടില്ല എന്നാണ് സംഘടനയുടെ നിലപാട്. വിദ്യാര്ത്ഥികള്ക്കെതിരായ എല്ലാ കേസുകളും പിന്വലിക്കാമെന്ന് സര്ക്കാര് നല്കിയ ഉറപ്പ് പാലിക്കാനുളള സമയപരിധി ഇന്ന് അവസാനിക്കുകയാണെന്നും നല്കിയ വാക്ക് സര്ക്കാര് നിര്ബന്ധമായും പാലിക്കണമെന്നും സിജെപി ആവശ്യപ്പെട്ടിരുന്നു.
നാല് വയസ്സുകാരിയായ കൊച്ചുമകളെ പീഡിപ്പിച്ചു ; യുവാവിനെ വെട്ടിപ്പരിക്കേൽപ്പിച്ച് റോഡിലൂടെ വലിച്ചിഴച്ച് മുത്തശ്ശി
അടുത്ത വർഷത്തോടെ ഒരു കോടി യുവാക്കൾക്ക് എഐയിൽ പരിശീലനം നൽകും : പ്രധാനമന്ത്രി നരേന്ദ്രമോദി
