ഹെഡ്‌ലൈറ്റിന്റെ വെളിച്ചത്തില്‍ പേടിച്ചരണ്ട് കാട്ടാന; വിടാതെ പിന്തുടര്‍ന്ന് ടിക് ടോക്കര്‍

സ്വതന്ത്രമായി സഞ്ചരിക്കാന്‍ അവകാശമുള്ളവരാണ് വന്യമൃഗങ്ങള്‍. പലപ്പോഴും ഒരു വീഡിയോയ്ക്കു വേണ്ടി, അതിലൂടെ കിട്ടുന്ന ലൈക്കിനും ഷെയറിനും വേണ്ടി മൃഗങ്ങളെ ശല്യപ്പെടുത്തുന്ന രീതി നമുക്ക് ചുറ്റും നടക്കുന്നുണ്ട്. അത്തരത്തില്‍ ടിക് ടോക്ക് വീഡിയോയ്ക്ക് വേണ്ടി ഒരു കാട്ടാനയോട് കാണിക്കുന്ന ക്രൂരതയുടെ വീഡിയോയാണ് ഇപ്പോള്‍ സാമൂഹ്യമാധ്യമങ്ങളില്‍ വൈറലാകുന്നത്.

രാത്രിയില്‍ ഹെഡ്‌ലൈറ്റിന്റെ വെളിച്ചം കണ്ട് പേടിച്ച് ഓടുന്ന കാട്ടാനയുയെ വീഡിയോയാണ് എല്ലാവരും ഇപ്പെള്‍ ഏറ്റെടുത്തിരിക്കുന്നത്. ശ്രീലങ്കയിലാണ് സംഭവം. കാടിന് സമീപത്തുള്ള ആളൊഴിഞ്ഞ ഒരു റോഡില്‍ രാത്രി ഒരു ടിക് ടോക്കര്‍ തന്റെ കാറിന്റെ ഹെഡ്‌ലൈറ്റ് അവിടെ കണ്ട ആനയുടെ മുഖത്തേക്ക് തെളിച്ചു. വെളിച്ചം മുഖത്തേക്ക് പതിക്കുന്നത് കണ്ട് പേടിച്ച് കാട്ടാന പേടിച്ച ഒഴിഞ്ഞു മാറാന്‍ ശ്രമിക്കുന്നു.

കാട്ടാന ഒഴിഞ്ഞുമാറുമ്പോള്‍ കാര്‍ ആനയുടെ അടുത്തേക്ക് തന്നെ വെളിച്ച്ം അടിച്ച് കൊണ്ട് അതിനെ കൂടുതല്‍ ഭയപ്പെടുത്തുന്നു. ഇതേ തുടര്‍ന്ന് കാട്ടാന പിന്തിരിഞ്ഞ് ഓടുന്നതും ഒരു മരത്തിന് പിന്നില്‍ ചെന്ന് ഒളിച്ചു നില്‍ക്കുന്നതും വീഡിയോയില്‍ കാണാം. കാട്ടാന ഓടുമ്പോള്‍ കാറുമായി ടിക് ടോക്കര്‍ അതിനെ പിന്തുടര്‍ന്ന് വീഡിയോ ചിത്രീകരിക്കുന്നകും വീഡിയോയില്‍ വ്യക്തമാണ്. വെളിച്ചം കണ്ട് പേടിച്ച് നോക്കി നില്‍ക്കുന്ന ആന കാഴ്ചക്കാര്‍ക്ക് ഒരു വേദനയായി മാറുകയാണ്.

വന്യജീവികളുടെ സൈ്വര്യ വിഹാരത്തെ തടസ്സപ്പെടുത്തരുത് എന്ന് എപ്പോഴും വനപാലകര്‍ മുന്നറിയിപ്പുകള്‍ നല്‍കുമ്പോള്‍ ചിലര്‍ അതൊന്നും വകവെയ്ക്കാതെ ചിലര്‍ മൃഗങ്ങളെ ഉപദ്രവിച്ച് സന്തോഷം കണ്ടെത്തുകയാണ്. നിരവധി പേര്‍ ടിക് ടോക്കറുടെ ഈ പ്രവര്‍ത്തിയില്‍ രോഷം പ്രകടിപ്പിച്ച് രംഗത്തെത്തിയിട്ടുണ്ട്. ഇങ്ങനെയുള്ള ദൃശ്യങ്ങള്‍ വേദനിപ്പിക്കുന്നവയാണ്. ഇത്തരം പ്രവര്‍ത്തികള്‍ ചെയ്യുന്നവര്‍ ശിക്ഷിക്കപ്പെടണം എന്ന വരെ ആളുകള്‍ കമന്റുകളിലൂടെ പറയുന്നു.