സ്വർണത്തിന് വീണ്ടും തിളക്കം; വെള്ളിവിലയും കയറി, ഇന്നത്തെ നിരക്കുകൾ

സംസ്ഥാനത്ത് സ്വർണവില വീണ്ടും ഉയർന്നു. ഞായറാഴ്ച വിലയിൽ മാറ്റമില്ലാതെ തുടർന്നതിന് പിന്നാലെ ഇന്ന് ഗ്രാമിന് 85 രൂപയും പവന്‍ 680 രൂപയുമാണ് വർധിച്ചത്. ഇതോടെ കേരളത്തിൽ 22 കാരറ്റ് സ്വർണത്തിന്റെ ഒരു ഗ്രാമിന്റെ വില 13,370 രൂപയായും ഒരു പവന്റെ വില 1,06,960 രൂപയായും ഉയർന്നു.

അതേസമയം, സംസ്ഥാനത്ത് വെള്ളിവിലയിലും വർധനവുണ്ട്. നിലവിൽ 22 കാരറ്റ് വെള്ളിയുടെ ഒരു ഗ്രാമിന് 240 രൂപയും 10 ഗ്രാമിന് 2,400 രൂപയുമാണ് വിപണിവില.