വയനാട് കള്ളാടി മണ്ണിടിച്ചിലില് മരണം ഏഴായി; ഒരാളുടെ മൃതദേഹം കൂടി കണ്ടെത്തി
വയനാട് കള്ളാടി മണ്ണിടിച്ചിലില് മരണം ഏഴായി. രാവിലെ നടത്തിയ തിരച്ചിലില് മീനാക്ഷി പുഴയില് നിന്ന് ഒരാളുടെ മൃതദേഹം കൂടി കണ്ടെത്തി. കാണാതായ ഒരാള്ക്കായി തിരച്ചില് തുടരുകയാണ്. പരുക്കേറ്റ ഏഴുപേര് ചികിത്സയില് തുടരുന്നു. വയനാട് ഉള്പ്പെടെ അഞ്ച് ജില്ലകളില് ഇന്ന് യെല്ലോ അലേര്ട്ടാണ്. അപകടവുമായി ബന്ധപ്പെട്ട വസ്തുതാന്വേഷണ റിപ്പോര്ട്ട് സര്ക്കാര് ഇന്ന് ഹൈക്കോടതിയില് സമര്പ്പിക്കും.
എന്ഡിആര്എഫിന്റെയും ഫയര്ഫോഴ്സിന്റെയും 30 അംഗ സംഘം ഇന്ന് പുഴയില് തിരച്ചില് തുടങ്ങിയിട്ടുണ്ടെന്ന് റവന്യൂമന്ത്രി എ പി അനില്കുമാര് പറഞ്ഞു. ചൂരല്മലയില് രക്ഷാപ്രവര്ത്തനം നടത്തിയ തുര്ക്കി ജീവന് രക്ഷാസമിതി കൂടി തിരച്ചിലിനായി എത്തും. പുഴയില് 30 അംഗ എന്ഡിആര്എഫ് സംഘം പരിശോധന നടത്തുന്നു. റോഡിന് ഇരുവശവും കൂടിക്കിടക്കുന്ന മണ്ണ് ചൂരല് മലയിലേക്ക് കൊണ്ടുപോകും.
മണ്ണ് മാറ്റാന് ആകില്ലെന്നാണ് കൊങ്കണ് റെയില്വേയുടെ നിലപാട്. വിദഗ്ധഭിപ്രായം തേടും. അതിന് ശേഷം മാത്രമായിരിക്കും സര്ക്കാര് തീരുമാനം. മണ്ണ് മാറ്റിയാല് കൂടുതല് മണ്ണിടിച്ചില് സാധ്യതയുണ്ടെന്നും ഇല്ലെന്നും അഭിപ്രായങ്ങള് ഉയരുന്നുണ്ട്. ഇക്കാര്യത്തില് ഉടന് തീരുമാനം ഉണ്ടാകും. മണ്ണ് നീക്കം ചെയ്യാന് ആകില്ലെന്ന് കൊങ്കണ് റെയില്വേ സര്ക്കാരിനെ അറിയിച്ചിരുന്നു. വിദഗ്ധസമിതിയെ ഇന്ന് തന്നെ പ്രഖ്യാപിക്കും എന്നാണ് പ്രതീക്ഷയെന്നും മന്ത്രി വ്യക്തമാക്കി.
വിദ്വേഷ പ്രസംഗ കേസ്: സമൻസ് ലഭിച്ചിട്ടും ഹാജരായില്ല; മഹുവ മൊയ്ത്രയ്ക്കെതിരെ അറസ്റ്റ് വാറണ്ട്
ഓട്ടം വിളിച്ച ഊബർ കാർ തട്ടിയെടുത്ത് ഗുണ്ട; പ്രതിക്കായി അന്വേഷണം ഊർജിതമാക്കി പൊലീസ്
