ഇന്ത്യൻ ക്രിക്കറ്റിലെ ഏറ്റവും അഗ്രസീവ് ആയ താരമാണ് വിരാട് കോഹ്ലി. ഇപ്പോഴിതാ ഇന്ത്യയുടെ സൂപ്പർ താരം വിരാട് കോഹ്ലിയുടെ ഭംഗി അദ്ദേഹത്തിന്റെ അഗ്രസീവ് ശൈലിയാണെന്ന് പറഞ്ഞിരിക്കുകയാണ് മുൻ അന്താരാഷ്ട അംപയർ അനിൽ ചൗധരി.
ക്രിക്കറ്റിന് അതിന്റെ യഥാര്ത്ഥ ആവേശം നിലനിര്ത്താന് വിരാടിനെ പോലെയുള്ള ഊര്ജ്ജസ്വലരായ താരങ്ങള് അത്യന്താപേക്ഷിതമാണെന്നും അനില് ചൗധരി പറഞ്ഞു.
‘കുട്ടിക്കാലം മുതലേ വിരാടിന്റെ മത്സരങ്ങളില് ഞാന് അമ്പയര് ചെയ്തിട്ടുള്ളതുകൊണ്ട് അവനെ എനിക്ക് വളരെക്കാലമായി അറിയാം. അവന് ആരോടും യാതൊരുവിധ വിദ്വേഷവുമില്ല. ചിലപ്പോഴൊക്കെ അവന് ആക്രമണോത്സുകത കാണിക്കാറുണ്ട്, എന്നാല് നമ്മള് ചെയ്തത് ശരിയാണെങ്കില് അവൻ അഭിനന്ദിക്കും. ഇത്തരം കളിക്കാര് ഉണ്ടായിരിക്കണം, അല്ലെങ്കില് കളി ബോറടിച്ചുപോകും.’ ചൗധരി പറഞ്ഞു.
