വാണിജ്യ എല്പിജി വിതരണത്തിനുള്ള നിയന്ത്രണങ്ങള് നീക്കി കേന്ദ്രസര്ക്കാര്; സംസ്ഥാനങ്ങള്ക്ക് കത്തയച്ചു
വാണിജ്യ എല്പിജി വിതരണത്തിനുള്ള നിയന്ത്രണങ്ങള് നീക്കി കേന്ദ്രസര്ക്കാര്. ഇക്കാര്യം ചൂണ്ടിക്കാട്ടി സംസ്ഥാനങ്ങള്ക്ക് കേന്ദ്രം കത്തയച്ചു. കേന്ദ്ര പെട്രോളിയം മന്ത്രാലയത്തിന്റേതാണ് തീരുമാനം. പശ്ചിമേഷ്യന് സംഘര്ഷത്തിന്റെ പശ്ചാത്തലത്തില് ഏര്പ്പെടുത്തിയ താത്ക്കാലിയ നിയന്ത്രണങ്ങളാണ് നീക്കിയിരിക്കുന്നത്. നിയന്ത്രണങ്ങള് നീക്കിയത് ചൂണ്ടിക്കാട്ടി കേന്ദ്ര പെട്രോളിയം മന്ത്രാലയം സെക്രട്ടറി നീരജ് മിത്തലാണ് സംസ്ഥാന ചീഫ് സെക്രട്ടറിമാര്ക്ക് കത്തയച്ചത്. വാണിജ്യ എല്പിജി വിതരണം പ്രതിസന്ധിക്ക് മുമ്പുള്ള നിലവാരത്തിലേക്ക് പുനസ്ഥാപിക്കും. പ്രതിസന്ധിക്ക് മുമ്പുള്ള ഉപഭോഗത്തിന്റെ 50 ശതമാനം വരെ ബള്ക്ക് എല്പിജി വിതരണങ്ങള് പുനസ്ഥാപിച്ചേക്കുമെന്നാണ് ലഭിക്കുന്ന വിവരം. ദീര്ഘകാല പരിഹാരമായി പിഎന്ജിയിലേക്ക് മാറുന്നത് പരിഗണിക്കണമെന്ന നിര്ദേശവും കേന്ദ്രം ആവര്ത്തിച്ചിട്ടുണ്ട്.
ഉച്ചഭക്ഷണത്തിൽ ഉപ്പിന് പകരം അബദ്ധത്തിൽ ചേർത്തത് ഡിറ്റർജന്റ് പൊടി; 40 വിദ്യാർത്ഥികൾ ആശുപത്രിയിൽ
‘ചുറുചുറുക്കുള്ള യുവനേതാവ്’; സിജെപി സ്ഥാപകൻ അഭിജീത് ദിപ്കെയെ എൻഡിഎ സഖ്യത്തിലേക്ക് ക്ഷണിച്ച് കേന്ദ്രമന്ത്രി
