‘സാമുദായിക സ്പര്ധയുണ്ടാക്കാന് ശ്രമിച്ച കേസിൽ ഹിന്ദു ഐക്യവേദി സംസ്ഥാന അധ്യക്ഷന് ആര് വി ബാബുവിനെതിരെ കേസ്. പി ഡി പി നേതാവാണ് പരാതി നല്കിയത്. സാമുദായിക സ്പര്ധയുണ്ടാക്കാന് ശ്രമിച്ചെന്നും ഇതര മതവിഭാഗങ്ങള്ക്കെതിരെ വിദ്വേഷ പ്രചാരണം നടത്തുന്നുവെന്നും ചൂണ്ടിക്കാണിച്ചുകൊണ്ടാണ് പി ഡി പി നേതാവ് പരാതി നല്കിയത്. മുസ്ലീം സമുദായത്തിനും സമസ്ത അധ്യക്ഷന് ജിഫ്രി മുത്തുക്കോയ തങ്ങള്ക്കുമെതിരായ പരാമര്ശങ്ങള്ക്ക് പിന്നാലെയാണ് കേസ്. മയക്കുമരുന്ന് വ്യാപനത്തിന് കാരണം മുസ്ലീം സമുദായത്തിലുള്ളവരെന്ന് സൂചിപ്പിച്ചുകൊണ്ട് ആര് വി ബാബു സമൂഹമാധ്യമങ്ങളിലൂടെ നടത്തിയ പ്രതികരണങ്ങളാണ് പരാതിക്ക് അടിസ്ഥാനം. ആര് വി ബാബു സമുദായ സ്പര്ദ്ധയ്ക്ക് ശ്രമിച്ചെന്നാണ് തൃക്കാക്കര പൊലീസിന്റെ എഫ്ഐആറില് പറയുന്നത്.
