എല്‍.എല്‍.ബി: കോളജ് മാറ്റത്തിനും പുനഃപ്രവേശനത്തിനും അപേക്ഷിക്കാം

കോഴിക്കോട് ഗവണ്‍മെന്റ് ലോ കോളജില്‍ പഞ്ചവത്സര ബി.ബി.എ. എല്‍.എല്‍.ബി. (ഓണേഴ്സ്/ത്രിവത്സര എല്‍.എല്‍.ബി യൂണിറ്ററി) കോഴ്സുകളിലെ (ഈവണ്‍ സെമസ്റ്ററുകളില്‍) ഒഴിവുളള സീറ്റുകളില്‍ ഇടയ്ക്ക് പഠനം നിര്‍ത്തിയവര്‍ക്ക് പുനഃപ്രവേശനത്തിനും തൃശൂര്‍ ഗവ. ലോ കോളജില്‍ പഠിച്ചു കൊണ്ടിരിക്കുന്നവര്‍ക്ക് കോളജ് മാറ്റത്തിനും അപേക്ഷിക്കാം. ജൂലൈ 10ന് വൈകിട്ട് മൂന്നു വരെ അപേക്ഷ സമര്‍പ്പിക്കാം.

അപേക്ഷാഫോറവും മറ്റു വിവരങ്ങളും കോളജ് ലൈബ്രറിയില്‍ ലഭിക്കും. അപേക്ഷയോടൊപ്പം പ്ലസ് ടു/ഡിഗ്രി മാര്‍ക്ക് ലിസ്റ്റിന്റെയും പ്രവേശന സമയത്ത് ലഭിച്ച അലോട്ട്മെന്റ് മെമ്മോയുടെയും അവസാനം എഴുതിയ പരീക്ഷയുടെ ഹാള്‍ടിക്കറ്റിന്റെയും ശരി പകര്‍പ്പുകള്‍ ഉണ്ടായിരിക്കണം. പുനഃപ്രവേശനത്തിന് ശിപാര്‍ശ ചെയ്യപ്പെടുന്നവര്‍ യൂണിവേഴ്സിറ്റിയില്‍ ആവശ്യമായ ഫീസടച്ച് ഉത്തരവ് കരസ്ഥമാക്കിയ ശേഷം കോളജില്‍ പ്രവേശനം നേടണം.

കോളജ് മാറ്റത്തിന് അപേക്ഷിക്കുന്നവര്‍ തൃശൂര്‍ ഗവ. ലോ കോളജ് പ്രിന്‍സിപ്പല്‍ സാക്ഷ്യപ്പെടുത്തിയ കോളജ് മാറ്റത്തിനുളള അപേക്ഷയും ഒപ്പം നല്‍കണം. പുനഃപ്രവേശനത്തിനുളള അപേക്ഷകള്‍ പരിഗണിച്ച ശേഷം ഒഴിവ് വരുന്ന സീറ്റുകളിലേക്ക് മാത്രമേ കോളജ് മാറ്റത്തിനുളള അപേക്ഷകള്‍ പരിഗണിക്കൂ.