മൺസൂൺ കേരള തീരത്ത് ജൂൺ ആറാം തിയതിയോടെ എത്തുമെന്ന് ദേശീയ കാലാവസ്ഥ വകുപ്പിന്റെ [ഐ എം ഡി] പുതിയ റിപ്പോർട്ട്. നേരത്തെ ആൻഡമാൻ തീരത്തെത്തിയ തെക്ക് – പടിഞ്ഞാറൻ മൺസൂൺ പിന്നീട് ശക്തി കുറയുകയായിരുന്നു. എന്നാൽ രണ്ടു ദിവസത്തിനകം ആൻഡമാൻ തീരത്തും ബംഗാൾ ഉൾക്കടലിലും ശക്തമായ മഴ ലഭിക്കുമെന്ന് പുതിയ റിപ്പോർട്ട് പറയുന്നു.
Read more
എൽ നിനോ പ്രതിഭാസമാണ് കേരളത്തിൽ കാലവർഷം വൈകുന്നതിന് കാരണം. അടുത്ത നാലു ദിവസം ആൻഡമാൻ – നിക്കോബാർ മേഖലയിൽ കനത്ത മഴയ്ക്ക് സാധ്യതയുണ്ടെന്ന് ഐ എം ഡി റിപ്പോർട്ടിൽ പറയുന്നു. ഇന്ത്യയിൽ ലഭ്യമാകുന്ന മഴയുടെ 75 ശതമാനവും ജൂൺ – സെപ്റ്റംബർ കാലയളവിൽ വീശുന്ന മൺസൂൺ വഴിയാണ് ലഭിക്കുന്നത്.