മൊബൈല് ഫോണ് കോള്, ഇന്റര്നെറ്റ് നിരക്ക് വര്ദ്ധന ഇന്ന് മുതല് പ്രാബല്യത്തില് വരും. നിരക്കുകളില് 42 ശതമാനമാണ് വര്ദ്ധന. വൊഡാഫോണ് ഐഡിയയാണ് ആദ്യം നിരക്ക് കൂട്ടിയത്. രണ്ട് ദിവസം, 28 ദിവസം, 84 ദിവസം,365 ദിവസം എന്നിങ്ങനെ കാലാവധിയുളള പ്രീപെയ്ഡ് കോള് നിരക്കുകളാണ് കൂടുന്നത്.
40 ശതമാനം വരെയുള്ള നിരക്ക് വര്ദ്ധനയാണ് ജിയോ പ്രഖ്യാപിച്ചിരിക്കുന്നത്. പുതിയ ഓള് ഇന് വണ് പ്ലാനുകള് ഉടന് പ്രഖ്യാപിക്കുമെന്ന് അറിയിച്ച ജിയോ ഇത് വഴി കൂടുതല് ഗുണം ഉപഭോക്താക്കള്ക്ക് ലഭിക്കുമെന്നും അവകാശപ്പെട്ടു. 22 ശതമാനം മുതല് 42 ശതമാനം വരെയാണ് വോഡഫോണ്-ഐഡിയയും, എയര്ടെല്ലും നിരക്കുകള് വര്ദ്ധിപ്പിച്ചിരിക്കാന് തീരുമാനിച്ചത്.
വലിയ കടബാദ്ധ്യതയില് കുരുങ്ങിയ കമ്പനികള് നിരക്ക് വര്ദ്ധനയില്ലാതെ പിടിച്ചു നില്ക്കാന് കഴിയാത്ത അവസ്ഥയിലായിരുന്നു. ഡിസംബര് മുതല് നിരക്കുകളില് മൂന്നിരട്ടി മുതല് വര്ദ്ധനയുണ്ടാകുമെന്ന സൂചന മൊബൈല് കമ്പനികള് നേരത്തെ തന്നെ നല്കിയിരുന്നതാണ്. വരുമാനത്തില് ഭീമമായ നഷ്ടം നേരിടുകയും സാമ്പത്തികമായ വെല്ലുവിളികള് തുടരുകയും ചെയ്യുന്ന സാഹചര്യത്തിലാണ് ഐഡിയ- വോഡാഫോണും എയര്ടെല്ലും നിരക്കുകള് വര്ദ്ധിപ്പിക്കുന്നത്. മൊബൈൽ നിരക്ക് വർദ്ധന ഉപഭോക്താക്കളെ ബാധിക്കുന്നത് എങ്ങനെയെന്ന് നോക്കാം.
ഐഡിയ- വൊഡാഫോൺ
49 രൂപയുടെ പ്ലാന് 38 രൂപയുടെ ടോക്ക്ടൈമും 100 എംബി ഡാറ്റയും 28 ദിവസത്തേയ്ക്ക് ലഭിക്കും. സെക്കന്ഡിന് 2.5 പൈസ വീതം ഈടാക്കും.
79 രൂപയുടെ പ്ലാന് 64 രൂപയുടെ ടോക്ക്ടൈമും 200 എംബി ഡാറ്റയും 28 ദിവസത്തേയ്ക്ക് ലഭിക്കും. സെക്കന്ഡിന് ഒരു പൈസ വീതം നിരക്ക്.
149 രൂപയുടെ പ്ലാന് അണ്ലിമിറ്റഡ് വോയിസ് കോള്, 2 ജിബി ഡാറ്റ, 300 എസ്.എം.എസ് എന്നിവ 28 ദിവസത്തേയ്ക്ക്.
249 രൂപയുടെ പ്ലാന് അണ്ലിമിറ്റഡ് വോയിസ് കോള്, ദിവസവും 1.5 ജിബി ഡാറ്റാ, ദിവസവും 100 എസ്.എം.എസ് എന്നിവ 28 ദിവസത്തേയ്ക്ക്.
299 രൂപയുടെ പ്ലാന് അണ്ലിമിറ്റഡ് വോയിസ് കോള്, ദിവസവും 2 ജിബി ഡാറ്റ, ദിവസവും 100 എഎസ്.എം.എസ് എന്നിവ 28 ദിവസത്തേയ്ക്ക്.
399 രൂപയുടെ പ്ലാന് അണ്ലിമിറ്റഡ് വോയിസ് കോള്, ദിവസവും മൂന്ന് ജിബി ഡാറ്റ, ദിവസവും 100 എസ്.എം.എസ് എന്നിവ 28 ദിവസത്തേയ്ക്ക്.
379 രൂപയുടെ പ്ലാന് അണ്ലിമിറ്റഡ് വോയിസ് കോള്, ആറ് ജിബി ഡാറ്റ, 1000 എസ്.എം.എസ്എന്നിവ 84 ദിവസത്തേയ്ക്ക്.
599 രൂപയുടെ പ്ലാന് അണ്ലിമിറ്റഡ് വോയിസ് കോള്, ദിവസവും 1.5 ജിബി ഡാറ്റ, ദിവസവും 100 എസ്.എം.എസ് എന്നിവ 84 ദിവസത്തേയ്ക്ക്.
699 രൂപയുടെ പ്ലാന് അണ്ലിമിറ്റഡ് വോയിസ് കോള്, ദിവസവും രണ്ട് ജിബി ഡേറ്റ, ദിവസവും 100 എസ്.എം.എസ്.
1499 രൂപയുടെ പ്ലാന് അണ്ലിമിറ്റഡ് വോയിസ് കോള്, 24 ജിബി ഡാറ്റ, 3600 എസ്.എം.എസ് എന്നിവ ഒരു വര്ഷത്തേയ്ക്ക്.
2399 രൂപയുടെ പ്ലാന് അണ്ലിമിറ്റഡ് വോയിസ് കോള്, ദിവസവും 1.5 ജിബി ഡാറ്റ, ദിവസവും 100 എസ്.എം.എസ് എന്നിവ ഒരു വര്ഷത്തേയ്ക്ക്.
എയര്ടെല്
148 രൂപയുടെ പ്ലാന് അണ്ലിമിറ്റഡ് വോയിസ് കോള്, 2 ജിബി ഡാറ്റ, 300 എസ്.എം.എസ്, 28 ദിവസത്തേയ്ക്ക്.
248 രൂപയുടെ പ്ലാന് അണ്ലിമിറ്റഡ് കോള്, ദിവസവും 100 എസ്.എം.എസ്, ദിവസവും 1.5 ജിബി ഡാറ്റാ എന്നിവ 28 ദിവസത്തേയ്ക്ക്.
298 രൂപയുടെ പ്ലാന് അണ്ലിമിറ്റഡ് കോള്, ദിവസവും 100 എസ്.എം.എസ്, 2 ജിബി ഡാറ്റാ 84 ദിവസത്തേയ്ക്ക്.
598 രൂപയുടെ പ്ലാന് 82 ദിവസത്തേക്ക് അണ്ലിമിറ്റഡ് വോയിസ് കോളും ഡാറ്റയും
698 രൂപ 84 ദിവസത്തേക്ക് അണ്ലിമിറ്റഡ് വോയിസ് കോളും ഡാറ്റയും.
Read more
1699 രൂപയുടെ വാര്ഷിക പ്ലാന് 2398 രൂപയിലേക്ക് വര്ദ്ധിപ്പിക്കുകയും ചെയ്തു.