ക്രിസ്മസിന് മെഗാ ഓഫറുകളുമായി കല്യാണ്‍ ജൂവലേഴ്‌സ്; പണിക്കൂലിയില്‍ 30 ശതമാനം വരെ ഇളവ്

ക്രിസ്മസ് കാലത്ത് ആകര്‍ഷകമായ സമ്മാനങ്ങളും ഇളവുകളുമായി കല്യാണ്‍ ജൂവലേഴ്‌സ്. 15,000 രൂപയ്ക്കു മുകളില്‍ വില വരുന്ന ആഭരണങ്ങള്‍ വാങ്ങുന്നവര്‍ക്ക് ഉറപ്പായ സമ്മാനങ്ങളും പണിക്കൂലിയില്‍ 30 ശതമാനം വരെ ഇളവും ലഭിക്കും. സമ്മാനമായി ഹോം അപ്ലയന്‍സുകള്‍, മൊബൈല്‍ ഫോണുകള്‍ തുടങ്ങിയവക്ക് പുറമെ കൂടുതല്‍ തുകയ്ക്ക് ആഭരണങ്ങള്‍ വാങ്ങുന്നവര്‍ക്ക് ബംപര്‍ സമ്മാനമായി റഫ്രിജറേറ്ററുകളും ടെലിവിഷനുകളും ലഭിക്കും.

ക്രിസ്മസ് കാലത്ത് ആഭരണങ്ങള്‍ക്ക് മൂന്നു ശതമാനം മുതല്‍ ആയിരിക്കും പണിക്കൂലി തുടങ്ങുക. കേരളത്തിലെ കല്യാണ്‍ ജൂവലേഴ്‌സ് ഷോറൂമുകളില്‍ 2020 ജനുവരി 31 വരെയായിരിക്കും ക്രിസ്മസ് ഓഫര്‍ കാലാവധി. പരസ്പരം സമ്മാനങ്ങള്‍ കൈമാറുന്ന ക്രിസ്മസ് കാലത്ത് ആഭരണങ്ങള്‍ വാങ്ങുമ്പോള്‍ ഉപയോക്താക്കള്‍ക്ക് പരമാവധി നേട്ടം നല്‍കുന്നതിനാണ് ലക്ഷ്യമിടുന്നതെന്ന് കല്യാണ്‍ ജൂവലേഴ്‌സ് ചെയര്‍മാനും മാനേജിംഗ് ഡയറക്ടറുമായ ടി.എസ്. കല്യാണരാമന്‍ പറഞ്ഞു.

ഇതോടൊപ്പം മാര്‍ച്ച് വരെയുള്ള കാലയളവില്‍ ഇന്ത്യയില്‍ ഒട്ടേറെ സ്ഥലങ്ങളില്‍ വിവാഹനാളുകളാണ്. ഇതുകൂടി മുന്നിൽ കണ്ടാണ് ഒട്ടേറെ ഇളവുകളും സമ്മാനങ്ങളും നല്കുന്നത്. ഈ സവിശേഷമായ മള്‍ട്ടി-ഓഫര്‍ ക്രിസ്മസ്, വിവാഹ ഷോപ്പിംഗ് നടത്തുന്നവര്‍ക്ക് പ്രയോജനകരമായിരിക്കുമെന്ന് അദ്ദേഹം ചൂണ്ടിക്കാട്ടി.

സ്വര്‍ണാഭരണങ്ങള്‍ വാങ്ങുമ്പോള്‍ കല്യാണിന്റെ നാല് തലത്തിലുള്ള അഷ്വറന്‍സ് സാക്ഷ്യപത്രത്തിന്റെ പ്രയോജനങ്ങളും ലഭിക്കും. വിശ്വസ്തരായ ഉപയോക്താക്കള്‍ക്ക് ഏറ്റവും മികച്ചത് നല്കുക എന്ന ബ്രാന്‍ഡിന്റെ പ്രതിബദ്ധതയുടെ ഭാഗമാണിത്. കല്യാണ്‍ ജൂവലേഴ്‌സിന്റെ സ്വര്‍ണാഭരണങ്ങള്‍ ഒട്ടേറെ ശുദ്ധി പരിശോധനകള്‍ക്ക് വിധേയമാകുന്നവയും എല്ലാം ബി.ഐ.എസ് ഹാള്‍മാര്‍ക്ക് ചെയ്തവയുമാണ്. നാല് തലത്തിലുള്ള അഷ്വറന്‍സ് സാക്ഷ്യപത്രത്തിലൂടെ ഉപയോക്താക്കള്‍ക്ക് ഇന്‍വോയ്‌സില്‍ നല്കിയിരിക്കുന്ന പരിശുദ്ധിയുടെ മൂല്യം വില്‍പ്പനയിലും കൈമാറ്റത്തിലും ലഭിക്കും. കൂടാതെ ആഭരണങ്ങള്‍ക്ക് കല്യാണ്‍ ബ്രാന്‍ഡിന്റെ ഷോറൂമുകളില്‍ ജീവിതകാലം മുഴുവന്‍ സൗജന്യമായി മെയിന്റനന്‍സ് നടത്തുന്നതിനും സാധിക്കും.

കമ്മലുകള്‍, വളകള്‍, നെക്‌ലേസുകള്‍ എന്നിങ്ങനെ വൈവിധ്യമാര്‍ന്ന നവീനവും പരമ്പരാഗതവുമായ ആഭരണ രൂപകല്‍പ്പനകളാണ് കല്യാണ്‍ ജൂവലേഴ്‌സ് ഉപയോക്താക്കള്‍ക്കായി അവതരിപ്പിക്കുന്നത്. ഇന്ത്യയില്‍ വിവിധ സ്ഥലങ്ങളില്‍നിന്നും തെരഞ്ഞെടുത്ത കല്യാണ്‍ ജൂവലേഴ്‌സിന്റെ സവിശേഷവും ജനപ്രിയവുമായ ബ്രൈഡല്‍ ആഭരണശേഖരമായ മുഹൂര്‍ത്ത്, പോള്‍ക്കി ആഭരണശേഖരമായ തേജസ്വി, കരവിരുതാല്‍ തീര്‍ത്ത പരമ്പരാഗത ആഭരണങ്ങളായ മുദ്ര, ടെംപിള്‍ ആഭരണങ്ങളായ നിമാ, നൃത്തം ചെയ്യുന്ന ഡയമണ്ടുകളായ ഗ്ലോ, സോളിറ്റയര്‍ പോലെയുള്ള ഡയമണ്ട് ആഭരണമായ സിയാ, അണ്‍കട്ട് ഡയമണ്ടുകളായ അനോഖി, പ്രത്യേകാവസരങ്ങള്‍ക്കായുള്ള ഡയമണ്ട് ആഭരണശേഖരമായ അപൂര്‍വ, വിവാഹ ഡയമണ്ട് ആഭരണങ്ങളായ അന്തര, നിത്യവും അണിയുന്നതിനുള്ള ഡയമണ്ടുകളായ ഹീര, പ്രഷ്യസ് സ്റ്റോണ്‍ ആഭരണങ്ങളായ രംഗ് തുടങ്ങിയ ശേഖരങ്ങളില്‍നിന്ന് ഉപയോക്താക്കള്‍ക്ക് അവരുടെ ആവശ്യങ്ങൾക്ക് അനുസരിച്ച് തിരഞ്ഞെടുക്കുന്നതിനുള്ള സൗകര്യവും കല്യാൺ നൽകുന്നുണ്ട്.