രാജ്യാന്തര മാർക്കറ്റിൽ കുതിച്ചുയരുന്ന വിലയ്ക്കൊപ്പം കേരളത്തിൽ ഇന്ന് സ്വര്ണവില സര്വകാല റെക്കോഡില്. ഗ്രാമിന് 35 രൂപയും പവന് 280 രൂപയുമാണ് ഇന്ന് കൂട്ടിയത്. ഗ്രാമിന് 3210 രൂപയും പവന് 25,680 രൂപയുമാണ് ഇന്നത്തെ നിരക്ക്. ചരിത്രത്തിലെ ഏറ്റവും ഉയര്ന്ന വിലയാണ് സ്വര്ണത്തിന് ഇന്ന് കേരള വിപണിയിൽ രേഖപ്പെടുത്തിയത്.
അമേരിക്കയുടെ കേന്ദ്ര ബാങ്കായ ഫെഡറല് റിസര്വ് പലിശ നിരക്കുകൾ കുറച്ചേക്കുമെന്ന സൂചനകളെ തുടര്ന്നാണ് അന്താരാഷ്ട്ര വിപണിയിൽ സ്വര്ണവില കുതിച്ചുകയറിയത്. ഫെഡറല് റിസര്വ് അടുത്ത മാസം പലിശ നിരക്കുകള് കുറയ്ക്കുമെന്നാണ് വിലയിരുത്തല്.
യുഎസ് – ചൈന വ്യാപാരയുദ്ധം അമേരിക്കന് സമ്പദ്വ്യവസ്ഥയെ ബാധിക്കുമെന്ന നിരീക്ഷണമാണ് പലിശ നിരക്ക് കുറയ്ക്കാന് ഫെഡറല് റിസര്വിനെ പ്രേരിപ്പിക്കുന്നത്. ഇതോടെ സുരക്ഷിത നിക്ഷേപമെന്ന നിലയില് നിക്ഷേപകര് സ്വര്ണത്തിലേക്ക് കൂടുതലായി മാറിയതാണ് സ്വര്ണവില ചരിത്ര നിരക്കിലേക്ക് ഉയരാന് ഇടയാക്കിയത്.
ഇന്നലെ ഗ്രാമിന് 3175 രൂപയായിരുന്നു സ്വര്ണ നിരക്ക്. പവന് 25400 രൂപയും. ജൂണ് 21 നാണ് ഇതിന് മുമ്പ് സ്വര്ണത്തിന് ഉയര്ന്ന നിരക്ക് രേഖപ്പെടുത്തിയത്. ഗ്രാമിന് 3180 രൂപയും പവന് 25440 രൂപയുമായിരുന്നു അന്നത്തെ സ്വര്ണ നിരക്ക്.
Read more
ആഗോളവിപണിയില് സ്വർണവിലയില് വന് വര്ധന രേഖപ്പെടുത്തി. 14.20 ഡോളറാണ് ഇന്ന് ഉയര്ന്നത്. ഒരു ട്രോയ് ഔൺസ് സ്വർണത്തിന് (31.1 ഗ്രാം) 1,427.35 ഡോളറാണ് ഇന്നത്തെ നിരക്ക്.