റോയല്‍ എല്‍ഫീല്‍ഡിന്റെ പുതിയ അവതാരകങ്ങളായ ഇന്റര്‍സെപ്റ്റര്‍ 650 യുടെയും കോണ്‍ടിനന്റര്‍ ജിടി 650 യുടെയും വരവിനായുള്ള കാത്തിരിപ്പിലാണ് ബുള്ളറ്റ് പ്രേമികള്‍. ഇറ്റലിയില്‍ അടുത്തിടെ സമാപിച്ച മിലാന്‍ മോട്ടോര്‍സൈക്കിള്‍ ഷോയില്‍ ഏറ്റവുമധികം താരത്തിളക്കം നേടിയ മോട്ടോര്‍സൈക്കിളുകള്‍ കൂടിയാണ് റോയല്‍ എന്‍ഫീല്‍ഡിന്റെ പുതിയ അവതാരങ്ങള്‍. ഇന്ത്യയിലേക്കുള്ള ഔദ്യോഗിക വരവറിയിച്ച് ഗോവയില്‍ വെച്ച് നടന്ന മോട്ടോര്‍ഷോയിലും എന്‍ഫീള്‍ഡ് പുതിയ ബൈക്കുകള്‍ അവതരിപ്പിച്ചിരുന്നു. പുതിയ ബിള്ളറ്റുകളാക്കായുള്ള കാത്തിരിപ്പ് അധികം നീളില്ലെന്നാണ് പുറത്തുവരുന്ന റിപ്പോര്‍ട്ടുകള്‍.
2018 ഏപ്രില്‍ മാസം മുതല്‍ ഇന്റര്‍സെപ്റ്റര്‍ 650 യുടെയും കോണ്‍ടിനന്റല്‍ ജിടി 650 യുടെയും ബുക്കിംഗ് റോയല്‍ എന്‍ഫീല്‍ഡ് ആരംഭിക്കുമെന്നാണ് ഏറ്റവും പുതിയ റിപ്പോര്‍ട്ട്. അടുത്ത വര്‍ഷം രണ്ടാം പാദത്തോടെ തന്നെ ഇരു മോട്ടോര്‍സൈക്കിളുകളും വിപണിയില്‍ എത്തുമെന്നാണ് സൂചന. മൂന്ന് ലക്ഷം മുതല്‍ മൂന്നര ലക്ഷം വരെയുള്ള വിലവിലവാരത്തിലാകും പുതിയ ബൈക്കുകള്‍ വിപണിയിലെത്തുകയെന്നാണ് വിവരം.1960 കളിലെ ഐതിഹാസിക അവതാരങ്ങളെ അനുസ്മരിപ്പിക്കുന്ന റോയല്‍ എന്‍ഫീല്‍ഡിന്റെ പുതിയ അവതാരങ്ങള്‍ മുതിര്‍ന്ന റൈഡര്‍മാരെയാണ് പ്രധാനമായും ലക്ഷ്യമിടുന്നത്.
Read more
അത്യാധുനിക ഫീച്ചറുകളോടെയുള്ള റോഡ്സ്റ്ററാണ് റോയല്‍ എന്‍ഫീല്‍ഡ് ഇന്റര്‍സെപ്റ്റര്‍ 650. കമ്പനിയുടെ കഫെ റേസര്‍ പതിപ്പാണ് കോണ്‍ടിനന്റല്‍ ജിടി 650. പുതിയ 650 സിസി ഫ്യൂവല്‍ ഇഞ്ചക്ടഡ്, പാരലല്‍-ട്വിന്‍ എഞ്ചിനിലാണ് ഇന്റര്‍സെപ്റ്റര്‍ 650 യും കോണ്‍ടിനന്റല്‍ ജിടി 650 യും അണിനിരക്കുക. 46.3 ബ്എച്ച്പി കരുത്തും 52 എന്‍എം ടോര്‍ക്കും ഉത്പാദിപ്പിക്കുന്ന എഞ്ചിനില്‍ 6 സ്പീഡ് ഗിയര്‍ബോക്സിനെയാണ് റോയല്‍ എന്‍ഫീല്‍ഡ് ഒരുക്കിയിരിക്കുന്നത്. ബ്രേക്കിംഗിന് വേണ്ടി 320 എംഎം ഡിസ്‌ക് ഫ്രണ്ട് എന്‍ഡില്‍ ഇടംപിടിക്കുമ്പോള്‍, എബിഎസോട് കൂടിയ 240 എംഎം ഡിസ്‌കാണ് ബൈക്കിന്റെ റിയര്‍ എന്‍ഡില്‍ ഒരുങ്ങുക. വിപണി ഭേദമന്യേ ഒരേ സാങ്കേതിക ഫീച്ചറുകളോടെ പുതിയ മോഡലുകളെ അണിനിരക്കുമെന്നാണ് കമ്പനി പറയുന്നത്.
