വ്യക്തിപരമായ പ്രതികാരത്തിനായാണ് തൻ്റെ പരാതിയിൽ കക്ഷിചേരൽ നടി അൻസിബ ഹസൻ ശ്രമിക്കുന്നതെന്ന് ‘അമ്മ’ പ്രസിഡന്റ് ശ്വേത മേനോൻ. അൻസിബക്കെതിരെ ശ്വേത മേനോൻ കോടതിയിൽ സത്യവാങ്മൂലം നൽകി. എറണാകുളം മുൻസിഫ് കോടതിയിലാണ് കേസ് നൽകിയത്. അൻസിബ അഡ്ഹോക്ക് കമ്മിറ്റിയുടെ ഭാഗമല്ലെന്ന് ശ്വേത മേനോൻ കോടതിയിൽ അറിയിച്ചു. കക്ഷിചേരാൻ അൻസിബക്ക് നിയമപരമായ അവകാശമില്ലെന്നും അമ്മ പ്രസിഡന്റായി തുടരാനുള്ള അവകാശം സംരക്ഷിക്കാനാണ് കേസ് എന്നും ശ്വേത മേനോൻ പറഞ്ഞു. കേസ് അനാവശ്യമായി വൈകിപ്പിക്കാനാണ് അൻസിബയുടെ ശ്രമമെന്നും ശ്വേതയുടെ സത്യവാങ്മൂലത്തിലുണ്ട് എന്നും ശ്വേത മേനോൻ പറയുന്നു.
