രമേശ് ചെന്നിത്തലയെ അധിക്ഷേപിച്ച് എഐ വിഡിയോ; കേസെടുത്ത് സൈബര് പൊലീസ്
ഹരിപ്പാട് മണ്ഡലത്തിലെ യുഡിഎഫ് സ്ഥാനാര്ഥിയും കോണ്ഗ്രസ് നേതാവുമായി രമേശ് ചെന്നിത്തലയെ അധിക്ഷേപിച്ചുകൊണ്ട് എഐ വിഡിയോ പ്രചരിപ്പിച്ച സംഭവത്തില് പൊലീസ് കേസെടുത്തു. ചെന്നിത്തലയുടെ ഇലക്ഷന് കമ്മിറ്റി ചെയര്മാന് അനില് ബി. കളത്തില് സംസ്ഥാന തെരഞ്ഞെടുപ്പ് കമ്മീഷന് നല്കിയ പരാതിയുടെ അടിസ്ഥാനത്തില് ആലപ്പുഴ സൈബര് പൊലീസ് ആണ് കേസെടുത്തത്.
മതവികാരത്തെ ദുരുപയോഗപ്പെടുത്തുന്ന തരത്തിലുള്ള സ്റ്റേറ്റ്മെന്റുകള് ചേര്ത്ത വീഡിയോ പ്രചരിപ്പിച്ചെന്നാണ് പരാതിയില്. ഭാരതീയ ന്യായ സംഹിതയിലെ 192-ാം വകുപ്പ് പ്രകാരമാണ് കേസെടുത്തിരിക്കുന്നത്. രമേശ് ചെന്നിത്തലയുടെയും എതിര് സ്ഥാനാര്ഥിയായ ബിജെപി നേതാവിന്റെയും എഐ വീഡിയോ ദൃശ്യങ്ങള് ഉപയോഗിച്ചാണ് നിര്മ്മിച്ചിരിക്കുന്നത്.
ഫെയ്സ്ബുക്ക്, ഇന്സ്റ്റഗ്രാം, വാട്സ്ആപ്പ്, യൂട്യൂബ് തുടങ്ങി എല്ലാ സോഷ്യല് മീഡിയ പ്ലാറ്റ്ഫോമുകളിലൂടെയും വിഡിയോ വന്തോതില് പ്രചരിപ്പിക്കുകയായിരുന്നു. പ്രചാരണത്തിന് പിന്നില് ബിജെപി കേന്ദ്രങ്ങളാണെന്നായിരുന്നു പരാതി.
കേരള ‘കേരളം’ ആയി; സംസ്ഥാനത്തിന്റെ പേര് മാറ്റ ബിൽ രാജ്യസഭയില് പാസായി
‘വരാത്ത മെസ്സി വരുമെന്ന് പറഞ്ഞ സമയത്ത് ആരായിരുന്നു മുഖ്യമന്ത്രി? ഉത്തരം പറയേണ്ടിവരും’; കെ മുരളീധരൻ
